Prezıdent sportshynyń kezekti jekpe-jeginde jeńiske jetýine tilektestik bildirdi.
Memleket basshysy kásipqoı boksshy, álem chempıony Gennadıı Golovkındi týǵan kúnimen quttyqtap, jedelhat joldady, dep habarlaıdy Almaty-akshamy.kz Aqordanyń telegram kanalyna silteme jasap.
«Áýesqoı jáne kásipqoı bokstaǵy mansabyńyzda ózińizdi biregeı sportshy retinde tanyttyńyz. Deńgeıi óte joǵary jarystarda elimizdiń namysyn abyroımen qorǵadyńyz, sondaı-aq Qazaqstandaǵy jáne álemdegi kóptegen boks jankúıerine qýanysh, jarqyn kóńil kúı syıladyńyz. Tabıǵı talantyńyz ben eńbeksúıgishtik qasıetińiz sport salasynda zor jetistikterge jetýge yqpal etti. Jastarymyzǵa úlgi boldyńyz. Sizdiń otandyq bokstyń damýyna úlken úles qosa beretinińizge senimdimin», – dep jazylǵan Prezıdenttiń quttyqtaý jedelhatynda.
Qasym-Jomart Toqaev sportshynyń sharshy alańda erteń ótetin kezekti jekpe-jeginde jeńiske jetýine tilektestik bildirdi.
