Tiline, ultyna násiline qarap, kemsitýge, bireýdiń namysyna tıýge jol bergender zań boıynsha jaýapqa tartylady. Bul týraly Memleket basshysy Qasym-Jomart Toqaev Qazaqstan halqyna Joldaýy barysynda aıtty, dep habarlaıdy almaty-akshamy.kz
«Ulttyń uıysýy – odan ári damýdyń basty faktory. Qazir Qazaqstan múldem jańa dáýirge qadam basty. Soǵan sáıkes, qoǵamdyq ómirdiń barlyq salasy túbegeıli ózgerýde. Jahandy turaqsyzdyq jaılap, kóptegen syn-qater paıda bolyp jatqan kezde, biz baǵdarymyzdy bekemdep, kózqarasymyzdy aıqyndaı túsýimiz qajet. "Birligimiz – ár alýandyqta" degen basty qaǵıdamyz eshqashan ózgermeıdi».
Memleket basshysy qoǵamdaǵy birlik pen kelisimdi kózimizdiń qarashyǵyndaı saqtaý kerektigin aıtty.
«Qoǵamdaǵy birlik pen kelisimdi kózimizdiń qarashyǵyndaı saqtaýymyz kerek. Etnosaralyq jáne konfesıaaralyq qarym-qatynastyń qanshalyqty mańyzdy ekenin barlyq azamatymyz túsinýi qajet. Biz qashanda alaýyzdyqqa qarsy tura bilgen elmiz. Tiline, ultyna násiline qarap, kemsitýge, bireýdiń namysyna tıýge jol bermeımiz. Zań boıynsha jaýapqa tartamyz».