Áskerı bólimder jaýyngerlik ázirliktiń joǵary dárejesine keltiriledi
Sáýir aıynda Qarýly Kúshteri túrleriniń quramalary, ásker tekteri, óńirlik qolbasshylyqtar, ıaǵnı 400-den asa áskerı bólim, sondaı-aq áskerı basqarý organdary tekseriledi, dep habarlaıdy Almaty-akshamy.kz.
Baqylaý tekserýiniń maqsaty – 2023 oqý jylyndaǵy qysqy oqý kezeńindegi jaýyngerlik daıarlyqtyń naqty jaı-kúıin jáne jaýyngerlik daıarlyq deńgeıin baǵalaý.
Tekseriletin pánderdiń qataryna jalpyáskerı jarǵylar, memlekettik-quqyqtyq, atys, taktıkalyq, arnaıy, tehnıkalyq, dene shynyqtyrý daıyndyǵy, jaýyngerlik mashınalardy júrgizý kiredi.
Quramalar men bólimderde áskerı qyzmetshilerdiń oqý pánderinen tapsyrǵan synaqtar men testteri ǵana baǵalanbaıdy. Oǵan qosymsha áskerı bólimder jaýyngerlik ázirliktiń joǵary dárejesine keltiriledi, oqý-jattyǵý polıgondaryna shyǵarylyp, onda jaýyngerlik atyspen, onyń ishinde túngi taktıkalyq oqý-jattyǵýlar da ótkiziledi. Bólimderdiń belgilengen merzimde maqsatqa saı mindetterdi oryndaý úılesimdiligi men qabilettiligi, sondaı-aq komandırlerdiń urysty uıymdastyrý jáne júrgizý barysynda baǵynysty jáne berilgen bólimshelerdi basqarý qabileti tekseriledi.
Baqylaý tekserisi úsh kezeńde júrgiziledi. Alǵashqy ekeýinde Qarýly Kúshter túrleriniń, ásker tekteri men óńirlik qolbasshylyqtardyń quramalary, áskerı bólimder, basqarý organdary, úshinshisinde – Qorǵanys mınıstrliginiń jáne Qarýly Kúshter Bas shtabynyń qurylymdyq bólimsheleri tekserilmek.