QR Oqý-aǵartý mınıstrligi úsh aýysymdy, apatty mektepterdiń máselesin sheshý úshin jańa oqýshy oryndaryn paıdalanýǵa berý boıynsha júıeli jumystar júrgizýde.
Qarasha aıynyń basynda óńirlerde 83 myń oqýshyǵa arnalǵan 85 jańa mektep ashyldy, dep habarlaıdy Almaty-akshamy.kz.
Bul týraly QR Oqý-aǵartý mınıstrliginiń baspasóz qyzmeti málimdedi.
Jalpy, osy jyldyń sońyna deıin túrli qarajat kózderi arqyly 132 myń oryndyq 154 mektep, onyń ishinde Bilim berý ınfraqurylymyn qoldaý qory esebinen 76 738 oryndyq 62 mekte paıdalanýǵa berý josparlanýda. Bul 12 apatty jáne 29 úsh aýysymdy mekteptiń, 113 eldi mekendegi oqýshylar ornynyń tapshylyǵy máselelerin sheshedi.
Sondaı-aq «Jaıly mektep» ulttyq jobasy da iske asyrylýda. Bıyl qurylysy bastalatyn 217 mektep 2024 jyldyń sońyna deıin paıdalanýǵa beriledi. Ulttyq joba birinshi kezekte qalalar men keleshegi bar eldi mekenderde jańa úlgidegi mektepterdi salýǵa, oqýshylar men pedagogterge jaıly ári qaýipsiz orta qalyptastyrýǵa, bilim berý qyzmetiniń sapasyn arttyrýǵa baǵyttalǵan.
Memleket basshysynyń tapsyrmasy boıynsha jalpy elimizde 740 myń oqýshyǵa arnalǵan 369 jaıly mektep salý josparlanýda.