Qazirgi kezde sotqa deıingi tergep-tekserý jumystary bastaldy
«Qazposhta» AQ ishki tergeý jumystaryn júrgizip, kompanıanyń óńirlik fılıaldarynyń birinen iri zańbuzýshylyqty anyqtady, dep habarlaıdy almaty-akshamy.kz.
Kompanıanyń baspasóz qyzmeti habarlaǵandaı, qyzmetkerler 2019-2023 jyldar aralyǵynda jalpy somasy 200 mln teńgeden astam qarjyny quraıtyn qarjylaı zańbuzýshylyqqa jol bergen.
Tekserý materıaldary prosesýaldy sheshim qabyldaý jáne kúdiktilerdi jaýapqa tartý, sondaı-aq zalal keltirilgen somany óteý úshin ekonomıkalyq tergeý departamentine joldandy.
«Senip tapsyrylǵan bóten múlikti asa iri mólsherde ıelenip alý nemese ysyrap etý faktisi boıynsha Qylmystyq kodekstiń 189-babymen sotqa deıingi tergep-tekserý jumystary bastaldy», - delingen habarlamada.
Atalǵan baptyń sanksıasy negizinde kúdiktiniń múlki tárkilenip, ol 7 jyldan 12 jylǵa deıingi merzimde bas bostandyǵynan aıyrylýy múmkin.