«Samuryk-Qazyna» qory Qashaǵandaǵy gaz óńdeý zaýytynyń qurylysy jobasyn júzege asyratyn kompanıanyń jańa ıesi boldy.
Bıylǵy 24 qańtardan bastap «Samuryq-Qazyna» ulttyq ál-aýqat qory» AQ Qashaǵan ken ornyndaǵy ilespe munaı gazyn óńdeýge arnalǵan (Qarabatan, Atyraý oblysy) qýattylyǵy 1 mıllıard tekshe metr zaýyt salý jobasyn júzege asyryp jatqan «GPC Investment» JSHS jarǵylyq kapıtalyndaǵy 100 paıyzdyq úlestiń ıesi atandy, dep habarlaıdy Almaty-akshamy.kz.
«GPC Investment» JSHS 2022 jyldyń tamyzynda QazaqGaz kompanıasynyń senimgerlik basqarýyna berildi. Buǵan deıin jekemenshik JSHS Qazaqstannyń tuńǵysh prezıdenti Nursultan Nazarbaevtyń kúıeý balasy «QazTransGaz» kompanıasynyń burynǵy basshysy Qaırat Sháripbaevpen úlestes bolǵan.
JSHS ıesiniń ózgerýimen búrokratıalyq rásimder, keıinnen bas merdigerdiń jobany júzege asyrýdan bas tartýy, jobalaýdaǵy anyqtalǵan aqaý ataýlyny joıý maqsatynda jobalyq-smetalyq qujattamaǵa túzetýler engizý jobany iske asyrý merzimin jospardaǵy 2023 jyldan aldymen 2025 jyldyń 2 toqsanyna deıin, endi 2026 jyldyń birinshi jarty jyldyǵyna aýysýǵa alyp keldi.