Otandyq naryq endi «Chanán Alsvın» dep atalatyn jańa qytaılyq modelimen tolyǵady.
Mamandar ozyq tehnologıamen jaraqtandyrylǵan temirtulpardyń sapasynda min joq dep otyr. Bastysy – jyl mezgilderine tózimdi. Ári baǵasy da kóńilge qonymdy, dep habarlaıdy Almaty-akshamy.kz.
«Chanán Alsvın» - Qytaıdaǵy ataqty Chanán zaýytynda jasalǵan. Otandyq naryqqa «Astana Motors» enshiles kompanıasy shyǵardy. Dızaıny jınaqy. Saparǵa tózimdi. Jaýyn-shyshyn men sýyqta des bermeıdi. Tolyq avtomattandyrylǵan. Jalpy, Chanan kesheniniń ónimderi qazaqstandyqtarǵa áýelden tanys. Tájirıbede ábden synalǵan.
«Ózimizdiń januıamyzda eki avtokóligi bar «Chanan Iýnı-keı» dep atalatyn. Bir jyldan beri eki kóliktiń qyzyǵyn kórip kele jatyrmyz. Qysqa da tózimdi, jazǵa da jaıly. Bul mashına da jaqsy bolady degen oıdamyn», - deıdi Astana qalysynyń turǵyny Azamat Ýskın.
Naryqqa shyqqan jańa kóliktiń uzyndyǵy 4 metrden asady. Qozǵaltqyshy 1 de 5-ti quraıdy. Salony bylǵarymen qaptalǵan. Rýli elektrli. Qozǵaltqyshyna 5 satyly robot karobka.
Ótken jyly ekonom-klass sedandary eldegi barlyq satylǵan avtokólikterdiń besten bir bóligin qurady. Olardyń kópshiligi shaǵyn jáne orta bıznes kásiporyndarynda senimdi tehnıkaǵa aınaldy.
«Biz naryqqa sýper tehnologıalyq flagman – Iýnı-keı krosoverimen shyqtyq. Jáne klıentterden Chanan sapasyndaı, biraq baǵasy arzandaý kólik bolady ma degen suranys tústi. Sondyqtan biz naryqqa Ἀlsvın sedanyn shyǵardyq», - deıdi Qazaqstandaǵy «Changan Auto» dıstrıbýsıasyn satý jónindegi dırektor Saǵynash Tokenov.