Oblystardyń, respýblıkalyq mańyzy bar qalalardyń jáne Astananyń óńirlik kadr rezervterine irikteý 1 naýryzda bastalady.
Oǵan talantty jáne belsendi jastardyń ókilderi kiredi. Bul týraly Óńirlik komýnıkasıalar qyzmetiniń alańynda Qazaqstan Respýblıkasy Memlekettik qyzmet isteri agenttiginiń Almaty qalasy boıynsha departamentiniń basshysy Shynaraı Álimhan málimdedi, dep habarlaıdy almaty-akshamy.kz.
Jobanyń negizgi maqsaty - ár óńirde talantty jastar arasynan jańa oılaý kóshbasshylary – jas basqarýshylar pýlyn qalyptastyrý.
İrikteýge 35 jastan aspaǵan, joǵary bilimi jáne keminde 3 jyl eńbek ótili bar adamdar qatysa alady.
Memleket basshysynyń 2023 jylǵy 15 maýsymdaǵy Jarlyǵymen oblystyń, respýblıkalyq mańyzy bar qalanyń, astananyń Óńirlik kadr rezervin qalyptastyrý qaǵıdalary bekitildi.
«Almaty qalasy boıynsha Óńirlik kadr rezervine 2 jyl merzimge 10 kandıdat qabyldanady. Óńirlik rezervke irikteý ótkizý týraly habarlandyrýlar Agenttiktiń, Departamenttiń, Almaty qalasy ákimi apparatynyń ınternet-resýrstarynda, sondaı - aq buqaralyq aqparat quraldarynda ornalastyrylatyn bolady», - dep habarlady Sh.Álimhan.
İrikteý mynadaı salalyq baǵyttar boıynsha júrgiziledi: ınfraqurylymdy, ónerkásipti jáne saýdany damytý; ishki saıasat jáne ınvestısıalar; ekonomıkalyq jáne qarjylyq saıasat; sıfrlandyrý; áleýmettik saıasat jáne azamattyq qoǵam.
Aımaqtyq rezervke irikteý qandaı kezeńderden turady:
1) kandıdattardyń qujattaryn qabyldaý;
2) zańnamany bilýge jáne jeke qasıetterin baǵalaýǵa testileý;
3) ýákiletti organ júrgizetin quzyretterdi baǵalaý;
4) komısıadaǵy qurylymdyq suhbat;
5) komısıa otyrysynda Óńirlik rezervke alýǵa kandıdatýralardy qaraý.
Qujattardy qabyldaý 2024 jylǵy 1-31 naýryz aralyǵynda ótedi. Úmitkerler qujattardy joba onir.pkrezerv.gov.kz. saıtynda tapsyra alady.
«Eger qujat tapsyrý kezinde úmitkerdiń jasy 36-ǵa tolmaǵan bolsa, onyń konkýrsqa qatysýǵa tolyq quqyǵy bar», - dep qosty óz kezeginde ÓKQ brıfıńine qatysqan Almaty qalasy ákimi apparaty basshysynyń orynbasary Baýyrjan Qabdol.
Ol irikteýge qatysý úshin qandaı qujattar qajet bolatynyn atap ótti:
- QR jeke kýáliginiń nemese pasportynyń kóshirmesi;
- bilim týraly qujattardyń jáne olarǵa qosymshalardyń kóshirmeleri;
- eńbek qyzmetin rastaıtyn qujattyń kóshirmesi (Eńbek kodeksiniń 35-babyna sáıkes);
- sońǵy jumys orny boıynsha kadr qyzmetimen rastalǵan irikteý tártibiniń qosymshasyna sáıkes nysan boıynsha kandıdattyń qyzmettik tizimi;
- tústi fotosýret.«Sonymen qatar, bizdiń departamentke Dostyq dańǵyly, 134 mekenjaıy boıynsha qaǵaz formasynda ne habarlandyrýda kórsetilgen elektrondyq poshta mekenjaıyna elektrondyq túrde qujattardy berý de múmkin ekenin atap ótken jón», - dep qosty Memlekettik qyzmet isteri agenttiginiń Almaty qalasy boıynsha departamentiniń basshysy Shynaraı Álimhan.
Sondaı-aq, jeke kabınette barlyq qujattar toptamasyn tirkep, usynǵannan keıin úmitker óńirdi jáne salalyq baǵytty tańdaıtynyn túsindirdi. Bir aımaqty jáne bir salalyq baǵytty tańdaýǵa ruqsat etiledi.
İrikteýdiń ekinshi kezeńi zańnamany bilýge jáne jeke qasıetterdi baǵalaýǵa arnalǵan testileýden turady. Testileý QR Prezıdenti janyndaǵy Memlekettik basqarý akademıasynyń Almaty qalasy boıynsha fılıalynyń testileý zaldarynda oflaın formatta ótedi
«Testileýdi tapsyrý tilin úmitker óz betinshe tańdaıdy. Testileý nátıjelerin esepteý avtomatty túrde júzege asyrylady. "Zańnamany bilýge arnalǵan testileý" birinshi blogy 5-9 sáýir aralyǵynda ótedi. «Jeke qasıetterdi baǵalaýǵa arnalǵan testileýdiń» ekinshi blogyna zańnamany bilýge testileýdi eń joǵary balmen tapsyrǵan úmitkerlerdiń 50% - y ótedi», - dep atap ótti spıker.
Úshinshi kezeń - «quzyretterdi baǵalaý» Astanadaǵy QR Prezıdenti janyndaǵy Memlekettik basqarý akademıasynyń bazasynda oflaın formatta ótedi (aldyn ala 22 sáýir – 7 maýsym).
Qatysýshylar konkýrsqa qatysý shyǵyndaryn óz qarajaty esebinen júrgizedi. Bul kezeń kandıdattardyń minez-qulyq ındıkatorlarynyń jıyntyǵy arqyly belgili bir quzyretterdi (belsendilik, qyzmetti basqarý, máselelerdi taldaý jáne sheshý, kóshbasshylyq, senimdilik) anyqtaýǵa jáne baǵalaýǵa baǵyttalǵan jáne toptyq jáne jeke jattyǵýlardy qamtıdy, olardyń barysynda kandıdattardyń minez-qulqyn sertıfıkattalǵan sarapshy-baǵalaýshylar baqylaıdy.
Tórtinshi kezeń barysynda qatysýshylar tańdalǵan salalyq baǵytqa sáıkes óz jobalaryn tanystyrady.
Qurylymdyq suhbat júrgizý kezeńinde óńirlik rezervke irikteýdiń ashyqtyǵyn qamtamasyz etý úshin qoǵamdyq birlestikterdiń, ÚEU, BAQ, bıznes-qoǵamdastyqtardyń ókilderi jáne salalyq sarapshylar tartylýy múmkin.
Besinshi kezeńde – «komısıa otyrysy» rezervke kandıdattardy qabyldaý týraly usynys shyǵaryldy.
«Árbir kezeńniń nátıjeleri komısıa sheshim qabyldaǵannan keıin bir jumys kúni ishinde ınternet-resýrstarda, kandıdattardyń jeke kabınetterinde, sondaı-aq joba saıtynda ornalastyrylatyn bolady. Sondaı - aq úmitkerler tildi tańdap, ár kezeńniń ótý kúni men ýaqytyn rezervteýge múmkindik alady», - dep tolyqtyrdy Sh.Álimhan.
Esterińizge sala keteıik, ótinimderdi qabyldaý 2024 jylǵy 1-31 naýryz aralyǵynda saıtta ótedi onir.pkrezerv.gov.kz.