Almaty garnızony Áskerı soty áskerı Qylmystyq kodekstiń 451 baby 2 bóligi boıynsha (bılikti asyra paıdalaný) aıyptalǵan áskerı qyzmetker Danıar Egembaevty 7 jylǵa sottady.
Ol Qańtar oqıǵasy kezinde Seıitqulovtar otbasynyń ólimine kináli dep tanylǵan, dep habarlaıdy Almaty-akshamy.kz.
Seıitqulovtar otbasy Taldyqorǵanda 2022 jyldyń 8 qańtarynda atylǵan oqtan qaza tapqan. Áskerıler Nurbolat Seıitqulov, onyń jary Altynaı Etaeva men 15 jastaǵy qyzy Nuraı mingen kólikke oq jaýdyrǵan. Úsheýi oqıǵa ornynda kóz jumǵan. Danıar Egembaev Nurbolat pen qyzynyń ólimine qatysty kúdikti dep tanylǵan. Altynaı Etaevanyń ólimine baılanysty is jeke óndiriske shyǵarylǵan.