Instagram-da 5G jelileriniń zıany týraly vıdeo shyqty. Onda tehnologıa densaýlyqqa zıan keltirip qana qoımaı, COVID-19 bolatyn ólim-jitimdi baqylaýǵa da múmkindik beredi delingen. Bul shyndyqqa jalǵan, dep habarlaıdy almaty-akshamy.kz stopfake.kz silteme jasap.
- 5G áserinen qustar ólip jerge qulaıdy
Bul radıofobtar jıi qoldanatyn tanymal feık. Shyn máninde, 5G jelileri qustar men janýarlarǵa múldem áser etpeıtini ǵylymı dáleldengen. Qustardyń kenetten jappaı qyrylý jaǵdaılary aýrýlarmen nemese aýa raıy jaǵdaıymen túsindiriledi.
- Anglıada 5G áserinen balalardyń murynnan jáne qulaǵynan qan ketti.
Bul ótirik. Birinshiden, Anglıada da, basqa jerde de mundaı jaǵdaılar tirkelgen joq. Ekinshiden. Búgingi tańda 5G jelileri álemniń myńdaǵan qalasynda ornatylǵan jáne turǵyndar uıaly baılanys baǵanalaryna jaqyndaǵan kezde ózdiginen qan ketpeıdi. 5G jelileri Qazaqstanda da qoljetimdi. Olar Almaty, Astana, Shymkent, Aqtóbe jáne Aqtaýdyń keıbir aýdandarynda ornatylǵan.
- 5G jelilerin qaıta kúıge keltirgen soń COVID-19 ekinshi tolqyny bastalady jáne adamdar kóshede óledi.
Bul tezıs jalǵan. Birinshiden, álemde COVID-19-dyń ekinshi tolqyny boldy. Keıbir elderde onyń saldarynan qaıtys bolǵandar sany birinshi tolqynǵa qaraǵanda áldeqaıda kóp boldy, biraq bul 5G tehnologıasymen baılanysty emes. Sonymen qatar COVID-19 juqtyrǵan adamdar kóshede ólgen joq. COVID-19 5G jelilerimen baılanysty degen teorıalar – dálelsiz jáne qastandyq teorıalary men psevdoǵylymı málimdemelerge negizdelgen. Faktchekerler bul týraly birneshe ret jazǵan.
- 5G – bul adamdardy basqarýǵa arnalǵan qural.
Bul tezıske sáıkes adamdarǵa vaksınasıa túrinde elektrondy chıpter engizilýge tıis. Sonda 5G jelilerin qoldana otyryp, adamdardyń ımýnıtetin «qosýǵa» jáne «óshirýge» bolady. Munyń bári múmkin emes. Sıpattalǵan tehnologıalar joq. Onyń ústine COVID-19 qarsy vaksınanyń bir qutysynda birneshe doza bolady. Mysaly, Pfizer shyǵarǵan vaksınada alty doza bar. Iaǵnı, teorıalyq turǵydan qutyda alty mıkroskopıalyq chıp bolýy kerek jáne preparatty alǵan kezde olardyń bireýi ǵana ınege enedi. Árıne, bul múmkin emes, óıtkeni shprıspen vaksına mıkroskopsyz alynady.
Demek, taralǵan vıdeoda usynylǵan aqparat ótirik, konspırologıa jáne psevdoǵylymı. 5 G jelileriniń qaýipsizdigi ıondaýshy emes sáýlelenýden qorǵaý jónindegi halyqaralyq komısıanyń (ICNIRP) jáne Eýropalyq Parlamenttiń qorytyndylarymen rastaldy. Tehnologıanyń qaýipsizdigin rastaıtyn táýelsiz ǵylymı zertteýler de bar.
Olaı bosla, taralǵan rolıkke senbegen jón.