Dıametri 50 mm bolatyn eki qabatty segiz buryshty juldyz pishininde jasalǵan.
Qazaqstanda jańa "El birligi" ordeni bekitiledi. Aqparat jáne qoǵamdyq damý mınıstrligi prezıdent ókiminiń jobasyn ázirledi, dep habarlaıdy Almaty-akshamy.kz
"El birligi" ordeni dıametri 50 mm bolatyn eki qabatty segiz buryshty juldyz pishininde jasalǵan.
Ordenniń betki jaǵynyń ortasynda "shańyraq" ornalasqan kógildir tústi emalmen toltyrylǵan. "Shańyraqtan" sheńber boıymen "ýyq" túrindegi kún sáýleleri taralǵan. "Shańyraqtyń" aınalasynda kógildir tústiń aıasynda "qoshqar múıiz" oıýy ornalasqan. "Shańyraqtyń" astyndaǵy lentada jartylaı sheńberde "El birligi" degen jazý ornalasqan.
Orden aq tústi metaldan – altyn jalatylǵan kúmis qorytpasynan jasalady.
"Ókim jobasy azamattardyń ult birligin nyǵaıtýǵa sińirgen eńbegin tanýǵa baǵyttalǵan jáne tıisti memlekettik nagradany qurý jóninde sharalar qabyldaýdy, osy memlekettik nagradanyń sıpattamasyn kózdeıdi", - delingen túsindirme jazbada.
"Ashyq NQA" portalynda jarıalanǵan qujat 12 shildege deıin qoǵam talqysyna shyǵaryldy.
Eske salsaq, sáýir aıynda Qazaqstan halqy Assambleıasynyń HHHİİ sesıasynda prezıdent Qasym-Jomart Toqaev QHA-nyń "Ult birligin nyǵaıtý jolyndaǵy jemisti eńbegi úshin" ordenin bekitýdi usynǵan bolatyn.
Ol alǵashqy laýreattarǵa bul marapatty bıyl qazan aıynda Respýblıka kúnine oraı tabystaýǵa bolatynyn atap ótti.