Sarapshylyq top Almaty, Taraz jáne Taldyqorǵanda 35-ten astam sot prosesterine qatysty
Venada EQYU Demokratıalyq ınstıtýttar jáne adam quqyqtary búrosynyń (DIAQB) QR-daǵy qańtar oqıǵasyna baılanysty sot prosesteriniń monıtorıńi jónindegi sarapshylar tobyna qaıǵyly oqıǵanyń eki jyldyǵyna oraı túsirilgen «Qańtar. Memlekettik tóńkeris áreketi. Oqıǵa qalaı órbidi» derekti fılmi usynyldy, dep habarlaıdy Almaty-akshamy.kz.
Fılmde elimizdegi qalalarynyń kóshelerindegi oqıǵalardyń barysy, negizgi sheshimderdiń qalaı jáne qashan qabyldanǵany, daǵdarystan qalaı shyqqany jan-jaqty sıpattalǵan.
Onlaın kezdesýge DIAQB-nyń quqyq ústemdigi bóliminiń basshysy G. Barba, sarapshylar K. Sımonsen, K. Rassel, A. Paskero jáne basqa da belgili baqylaýshylar qatysty.
2022 jylǵy qarashada qazaqstandyq tarappen qurylǵan sarapshylyq topqa Almaty, Taraz jáne Taldyqorǵan qalalarynda ótip jatqan 35-ten astam sot prosesterine qatysýǵa, sondaı-aq QR-dyń múddeli memlekettik organdarymen kezdesýler uıymdastyrýǵa qolǵabys kórsetildi.
Sonymen birge, qorytyndy esepti daıyndaý barysy jáne «Qańtar oqıǵasy» sot prosesteriniń monıtorıńi jobasy aıasynda Búro sarapshylarynyń Qazaqstanǵa aldaǵy qorytyndy sapary talqylandy,- dep jazdy vedomstvo.