İİM-de “Avtobýs” respýblıkalyq operasıasynyń qorytyndysy shyǵaryldy.
İs-sharanyń maqsaty – jolaýshylar men bagajdy tasymaldaýmen aınalysatyn júrgizýshilerdiń kóliktik tártibin arttyrý, zańsyz jumys isteıtin adamdarǵa qatysty baqylaýdy kúsheıtý. Elimizde bes kúnde kúnde polıseıler jol qozǵalysyn qadaǵalaý kezinde qoǵamdyq kólik júrgizýshileri jasaǵan 5470 jol qozǵalysy erejesin buzýshylyqty anyqtady, dep habarlaıdy Almaty-akshamy.kz Polisia.kz-ke silteme jasap.
Onyń ishinde alkogóldik masań kúıde kólikti basqarýdyń 10 faktisi tirkeldi. Mysaly, Petropavlda patrúldik polısıa batalónynyń qyzmetkerleri Volkswagen Transporter kóligin toqtatty. Tekserý kezinde polıseıler mıkroavtobýs júrgizýshisiniń mas kúıinde ekenin anyqtady. Muny medısınalyq kýálandyrý aktisi rastady. Kólik arnaıy avtoturaqqa jiberildi.
Aqmola oblysynda da osyndaı jaǵdaı boldy. Operasıa barysynda polısıa qyzmetkerleri Jaqsy – Esil – Býzýlýk avtojoldaryna Qostanaı turǵynynyń basqarýymen Toyota Alphard avtokóligin toqtatty. İs júrgizý barysynda polıseıler júrgizýshiniń jolaýshylardy jeke tasymaldaýmen zańsyz aınalysqanyn anyqtady. Sonymen qatar er adam marıhýana esirtkisin qoldanyp, salonda bolǵan bes jolaýshynyń ómirine qaýip tóndirdi. Tártip buzýshylarǵa qatysty polısıa qyzmetkerleri tıisti ákimshilik hattamalar jasady.
Budan bólek, qarsy jolaqqa shyǵýdyń 7 deregi, eńbek jáne demalys rejımin buzýǵa qatysty – 29, mindetti saqtandyrý týraly zańnamany buzýdyń – 351, reıs aldyndaǵy tekserýden ótpeýdiń – 123, tehnıkalyq baıqaýdan ótpeýdiń – 799, jyldamdyqty arttyrýdyń – 174, telefondy paıdalanýdyń – 1357, 1445 – manevr jasaý erejelerin buzý, 174 – lastaýshy zattar shyǵaryndylarynyń normalarynan asyp ketý, 498 – jolaýshylardy, bagajdy jáne júkterdi tasymaldaý qaǵıdalaryn buzý, jolaýshylardy zańsyz tasymaldaýdyń 112 faktisi tirkeldi, onyń ishinde 100-i taksı júrgizýshileri bolǵan. Sondaı-aq operasıa kezinde tártip saqshylary jol qaýipsizdigi talaptaryna saı kelmeıtin 23 ruqsat etilmegen avtoturaqty jaýyp, 4 myńǵa jýyq qoǵamdyq kólikti tekserip, 371 zańsyz túrlendirilgen avtobýsty anyqtady.
Avtobýs parkteriniń 112 laýazymdy tulǵasy ákimshilik jaýapkershilikke tartyldy.
Aıta keteıik, “Avtobýs” profılaktıkalyq is-sharasyn ótkizýge 9 myńnan astam polısıa qyzmetkeri, sondaı-aq jergilikti atqarýshy organdardyń ókilderi men jurtshylyq jumyldyryldy.