Almaty qalalyq prokýratýrasy jer silkinisi kezinde jalǵan aqparat taratqan habarlama avtorlaryn tapty.
Almatyda 23-qańtar tún ishinde jer silkingeni belgili. Halyqtyń záre-quty qashqan sátte ony odan ary údete túsetinder árqashan tabylady. Sol kezde de ártúrli áleýmettik jelilerde jáne messendjer chattarynda tabıǵı apattyń saldary týraly kórineý jalǵan habarlamalardy ornalastyrý faktileri oryn aldy. Bul óz kezeginde azamattar arasynda dúrbeleń jáne keń qoǵamdyq rezonans týdyrdy, dep habarlaıdy Almaty-akshamy.kz Almaty qalasynyń prokýratýrasyna silteme jasap.
«Jer silkinisi kezinde áleýmettik jeliler men messendjerlerde tabıǵı apattyń saldary týraly kórineý jalǵan habarlamalardy ornalastyrý faktileri anyqtaldy, bul óz kezeginde azamattar arasynda dúrbeleń jáne keń qoǵamdyq rezonans týdyrdy. Mundaı áreketterdi jasaý faktileri boıynsha qazirgi ýaqytta 1995 jáne 2006 jyldary týǵan eki áıeldiń jeke basy anyqtaldy», delingen prokýratýra habarlamasynda.
Jalǵan aqparat taratqan eki áıelge Ákimshilik quqyq buzýshylyq týraly kodekstiń 456-2-babynyń 3-bóligi boıynsha 10 AEK kóleminde aıyppul salyndy.