Almaty qalasynda 2021 jylǵy 18 qarashada qar tazalaý boıynsha aqparat
Almaty qalasynyń Turǵyn úı saıasaty basqarmasynyń málimetterine sáıkes, 17 qarasha kúni saǵat 14.40-ta Almaty qalasynda qardyń jaýǵany bastalyp, 18 qarasha kúni saǵat 03.00-de aıaqtaldy.
Taýly aýdandarǵa 22 sm-ge deıin, taý bókterine 12-17 sm, qalaǵa 7-9 sm qar tústi, dep habarlaıdy Almaty-ashamy.kz
Qar jaýa salysymen 191 qumshashqyshtyń kúshimen joldarǵa kóktaıǵaqqa qarsy materıaldar sebilýde.
2 400 tonna kóktaıǵaqqa qarsy materıaldar paıdalanyldy.
Qardy sypyrý, trotýarlardy, jaıaý júrginshiler aımaqtaryn, qoǵamdyq kólik aıaldamalaryn, «qaltalardy», kópshilik paıdalanatyn oryndardy tazalaý boıynsha jumystar júrgizilýde.
Qalanyń joǵarǵy bóliginde polısıanyń patrúldik mashınalarynyń erip júrýimen qar kúreý kolonnalary uıymdastyrylǵan. Saǵat 21.00-den bastap qar shyǵarylýda. 297 tekshe metr qar shyǵaryldy.
Túngi ýaqytta 491 arnaıy tehnıka birligi, onyń ishinde 183 qumshashqysh jáne 423 jol jumysshysy jumyldyryldy.
18 qarasha kúni tańerteń 554 arnaıy tehnıka men 1500-ge jýyq jol jumysshysyn shyǵarý josparlanǵan.
Aýdandyq ákimdikter men merdigerlik kásiporyndarda qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha erteń 19 qarashada azdaǵan jaýyn-shashyn saqtalady. Aýa temperatýrasy kúndiz 18 qarasha – 0, mınýs 2.