Jazdyń sońǵy aptasyn úıde ótkizý – kúnáǵa para-par is. Óıtkeni dál qazir Almatyda da, eldiń basqa óńirlerinde de qyzyqqa toly is-shara jeterlik: festıválder, kıno kórsetilimderi, konsert pen tipti ÝEFA machi. Aqshamnews.kz tilshisi aptanyń eń qyzyq is-sharalar toptamasyn usynady.
Sport
26 tamyzda Almatydaǵy Ortalyq stadıonda "Qaırat" pen shotlandıalyq "Seltık" taǵy da kezdesedi. Bul joly "Qaırat" jeńiske jetse, ÝEFA-nyń Chempıondar lıgasynyń negizgi kezeńine ótip, bárimiz tarıhı sáttiń kýási bolamyz!
30–31 tamyz kúnderi Medeýde avtokólik mádenıetine arnalǵan Motorfest festıvali ótedi. Munda eldegi eń sırek kezdesetin jáne eksklúzıv kólikter jınalady.
Konsert
25 tamyzda Qolyash esimdi kásibı vıolonchelısiń "Viva la vida" aspapty konserti ótpek.
29 tamyz reseılik Fılıpp Kırkorov Queen Mountain Resort sahnasynda óner kórsetedi.
Dál sol kúni, 29 tamyzda «La Bohême» teatrynda álternatıv folk baǵytynda óner kórsetetin «STEPPE SONS» konserti ótedi.
31 tamyzda Sharyn shatqalynda Shuaq festıvali ótedi. Onda úsh formatta óner kórsetiledi.
Sondaı-aq, 30 tamyzda qala ortalyǵynda Konstıtýsıa kúnine oraı túrli is-sharalar ótedi.
Kıno
Apta boıy qala kınoteatrlarynda otbasymen birge kórýge bolatyn fılmder usynylady:
-
"Qolyńnan kelse, alyp qash";
-
"Dıspecher";
-
"Adam: Nartáýekel" anımasıalyq fılmi.
Budan basqa
- Almaty Gallery-de HH ǵasyr týyndylary, Pablo Pıkassonyń shyǵarmalaryn kórýge bolady.
- 30 tamyzda Rýslan Taı, Talǵat Tynymbaıdyń Qazaqsha stendap-konsertin tamashalaı alasyzdar.
- 31 tamyzda "Arzan psıhologtar" jobasynyń YouTube túsirilimi ótedi. Onda ár kórermen júrgizýshilerge mazalap júrgen bir suraǵyn qoıady.