2025 jyldyń sáýir aıynda Alataý aýdany ákiminiń apparaty Qarasý kóliniń boıyndaǵy skverdi abattandyrý jumystaryn bastaǵan edi. Joba aıasynda mynadaı jumystar oryndaldy: beıimdelgen ósimdikterdi qoldana otyryp, aýmaqty kógaldandyrý, keshki ýaqytta jaıly jáne qaýipsiz bolýdy qamtamasyz etý úshin kóshe jaryǵyn ornatý; qoǵamdyq jáne mádenı is-sharalardy ótkizý úshin amfıteatr salý, aýdannyń rýhy men mádenı ereksheligin kórsetetin art-obektilerdi montajdaý; granıtti baspaldaq, granıtti parapet qosylǵan abattandyrý elementterin tóseý, tas kilem.
Jobany iske asyrý barysynda tabıǵı relefti saqtaýǵa jáne Qarasý kóliniń jaǵalaý aımaǵynyń ekologıalyq jaǵdaıyn jaqsartýǵa erekshe nazar aýdaryldy. Barlyq jumystar turaqty damý qaǵıdattary men tabıǵatty qorǵaý normalaryn saqtaı otyryp oryndalady.
Aýdan turǵyndary men qonaqtary úshin jaıly, ekologıalyq taza jáne qaýipsiz demalys aımaǵyn qurýǵa, sondaı-aq landshafttyq jáne mádenı dızaın elementteri bar zamanaýı qoǵamdyq keńistikti qalyptastyrýǵa baǵyttalǵan jobaǵa jergilikti turǵyndar oń baǵasyn berdi. Aýdan turǵyny Aınagúl Shalova ótken jyly bul aımaqty qalyń shóp basyp, shań kóterilgenin, qazir aýmaqtyń tanymastaı ózgergenin aıtty.
– Men kórshilerimmen birge osy aýmaqty abattandyrý máselesin birneshe ret kóterip, ony jergilikti chatta talqyladym. Ony sýretke túsirip, "Balalarmen qaıda júrýge bolady"degen suraqpen ákimdikke jiberdik? Ýaqyt óte kele Alataý aýdanynyń ákimdigi bizdiń ótinishimizge nazar aýdardy.
Buryn úsh nemeremmen biz ózge jerdegi saıabaq aımaqtaryna qınalyp baratynbyz. Endi demalys orny ózimizde bar. Balalar velosıpedter men skýterlerde serýendeıdi, ártúrli karýseldik átkenshekterde kóńil kóteredi, barlyq jaǵdaılar jasalǵan. Ornatylǵan jaryq shamdary keshke qaraı uzaq serýendeýge múmkindik beredi. Biz rızamyz", - dedi aýdan turǵyny.
Aıta keteıik, Alataý aýdanynda taǵy bir joba júzege asyryldy.
2025 jyldyń sáýir aıynda Alataý aýdany ákiminiń apparaty merdiger uıymmen - "Jaqsylyq múgedekter qoǵamy" qoǵamdyq birlestigimen birlesip, Saıaly - 2 shaǵynaýdanyndaǵy Arqalyq kóshesindegi skverdi abattandyrý jumystaryn bastaǵan bolatyn. Abattandyrylǵan aýmaqtyń jalpy aýdany 6000 sharshy metrdi qurady.
Jobanyń negizgi maqsaty halyqtyń barlyq sanattaryna, sonyń ishinde múmkindigi shekteýli jandarǵa, qart azamattarǵa jáne balalary bar otbasylarǵa qoljetimdi jaıly, ekologıalyq taza jáne qaýipsiz qoǵamdyq keńistik qurý boldy. Alań aýdan turǵyndary úshin ashyq aýada demalý jáne demalys mádenıetin damytýǵa yqpal etetin jańa demalys núktesi bolýǵa arnalǵan.
Abattandyrý aıasynda aýmaqty kógaldandyrý jumystary júrgizildi, kóshe jaryǵy jáne art-obektiler, kıiz úı jáne "aq oryndyq" ornatyldy, bulardyń barlyǵy tynyshtyq, meıirimdilik pen ózara túsinistik belgisne aınaldy. Barlyq jumystar zamanaýı abattandyrý talaptaryn, qoljetimdi ortany jáne qalalyq ortanyń turaqty damýyn eskere otyryp júrgizildi.
Sáýle Erkebaeva - jobanyń avtorlary men bastamashylarynyń biri. Ol Saıaly-2 shaǵynaýdany |Arqalyq kóshesindegi ózgeristerge Alataý aýdanynyń bıligin tartý boıynsha úlken jumys júrgizdi.
- Men jergilikti OSI-diń ókilimin jáne bizde negizinen balalar oınaıtyn oryndar bar Biraq kórshiler, olardyń arasynda qarttar men múgedekter maǵan: "Biz demalatyn oryn bolsa ǵoı» dep saýal tastady. Keıin pikirles azamatpen birge ekeýmiz Alataý aýdanynyń ákimdigine júgindik. Óıtkeni, biz «Halyq qatysatyn búdjet» baǵdarlamasyn biletinbiz. Sol jobany negizge alyp, aýmaqty abattandyrýdy usyndyq. Buryn bul aýmaq ıesiz jatty, keıin stıhıalyq avtoturaqqa aınaldy. Merdigerler men aýdan ákiminiń, talqylaýlar men keńesterdiń arqasynda jaıaý serýendeýge bolatyn demalys aýmaǵy paıda boldy. Qart adamdar da, otbasy músheleri de, múmkindigi shekteýli adamdar da munda jaqsy serýendep, demalady. Eń bastysy, bizdiń turǵylyqty jerimizge jaqyn.
Raýshan - Saıaly shaǵyn aýdanynyń turǵyny, kún saıyn demalys aımaǵyna barady ári oǵan kórneki ózgerister óte unaıdy:
– Maǵan kıiz úıdiń dızaıny óte unaıdy, zamanaýı jáne sonymen birge etno-stılde jasalǵan. Serýendeıtin aımaqtyń paıda bolǵanyna qýanyshtymyz. Munda keshke qaraı shamdar jarqyrap janyp turady,bul eń aldymen bizdiń balalarymyzdyń qaýipsizdigi. Biz aýdannyń kórkeıip, damyp jatqanyna rızamyz!