Respýblıkalyq dırıjerler konkýrsyna ótinim qabyldaý jalǵasyp jatyr, dep habarlaıdy aqshamnews.kz QR Mádenıet jáne aqparat mınıstrliginiń baspasóz qyzmetine silteme jasap.
2025 jyldyń 8-10 qazan aralyǵynda Qazaqstan Respýblıkasy Mádenıet jáne aqparat mınıstrliginiń qoldaýymen Jambyl atyndaǵy Qazaq memlekettik akademıalyq fılarmonıasynda Qazaqstannyń halyq ártisi, Memlekettik syılyqtyń laýreaty, Halyq qaharmany, kúıshi-kompozıtor, dırıjer Nurǵısa Tilendıevtiń 100 jyldyǵyna arnalǵan respýblıkalyq konkýrs ótedi.
Konkýrstyń basty maqsaty – Qazaqstan dırıjerlik mektebiniń dástúrin saqtaý, ony keńinen nasıhattaý, kásibı mamandarmen shyǵarmashylyq yntymaqtastyq ornatý, dırıjerlik sheberlikti jetildirý, sondaı-aq daryndy jas dırıjerlerdi qoldaý.
Baıqaý ulttyq mádenıettiń deńgeıin kóterý jáne Qazaqstannyń mádenı ımıjin arttyrýǵa baǵyttalǵan. Atalmysh baıqaýǵa Qazaqstan Respýblıkasynyń mýzykalyq óner salasyndaǵy 18 ben 35 jas aralyǵyndaǵy talantty jastar men joǵary oqý oryndarynyń stýdentteri qatysady.
Konkýrs 2 kezennen turady. Qatysýshylar Nurǵısa Tilendıev atyndaǵy akademıalyq fólklorly-etnografıalyq «Otyrar sazy» orkestriniń súıemeldeýimen mýzykalyq shyǵarmalardy oryndaıdy. Jeńimpazdardy sala mamandarynan quralǵan bilikti qazylar alqasy anyqtaıdy.
2025 jyldyń 10 qazan kúni Jambyl atyndaǵy Qazaq memlekettik akademıalyq fılarmonıanyń Úlken zalynda is-shara qorytyndylanyp, jeńimpazdardy marapattaý rásimi ótedi.