2024 jyldyń 1 maýsymyna Qazaqstanda 5,5 mln avtokólik tirkelgen, bul ótken jylmen salystyrǵanda 12,3% kóp. Onyń ishinde 4,8 mln jeńil avtomobıl (jyldyq ósim 12,6%), 540,8 myń júk kóligi (jyldyq ósim 9,8%), jáne 114,1 myń avtobýs (jyldyq ósim 13,3%) tirkelgen, dep habarlaıdy aqshamnews.kz.
Óńirler boıynsha eń kóp avtokólik Ońtústik astanada tirkelgen: 635,6 myń, jyldyq ósim 11,7%. Kóshbasshylar qatarynda Almaty oblysy (592,8 myń), Astana (399,2 myń), Qaraǵandy oblysy (352,1 myń) jáne Shyǵys Qazaqstan oblysy (332,9 myń) bar.
Eń az avtokólik Ulytaý, Abaı jáne Jetisý oblystarynda tirkelgen.
Burynǵy Ońtústik Qazaqstan oblysynyń nómirlerimen tirkelgen avtokólikter sany 9,4%-ǵa qysqaryp, 157,3 myńǵa jetti. Aımaqtary anyqtalmaǵan nómirlermen tirkelgen avtokólikter sany 13%-ǵa artyp, 294,4 myńǵa, al dıplomatıalyq nómirlermen tirkelgen avtokólikter sany 10%-ǵa ósip, 48,8 myńǵa jetti.
Janarmaı túrleri boıynsha qarastyrylǵan kezeńde eń kóp kólik benzınmen jumys istedi: 81,9%, nemese 4,5 mln kólik. Aralas otynmen jumys isteıtin avtokólikter sany 10,3%-ǵa ósip, 411,8 myńǵa jetti. Dızel otynyn paıdalanatyn kólikter sany 10,1%-ǵa ósip, 390,3 myńǵa, gazbalondy kólikter sany 28%-ǵa artyp, 13,4 myńǵa jetti, al elektr kólikteri 2,9 esege kóbeıip, 10,3 myńǵa jetti. Janarmaı túri kórsetilmegen kólikter sany 162,5 myńǵa jetip, ótken jylmen salystyrǵanda 35,7%-ǵa artty.