Qazaqstan olımpıada júldegerlerine eń joǵary tólem beretin bes eldiń qatarynda tur.
Ulttyq Olımpıada komıtetterinen, CNBC sport qaýymdastyqtary jınaǵan aqparatta elderdiń jeńimpazdarǵa qansha tóleıtini kórsetilgen, dep habarlaıdy aqshamnews.kz
Qazaqstan Olımpıada júldegerleri úshin eń iri syıaqy tóleıtin memleketterdiń alǵashqy bestiginde tur. Elimiz ótken Olımpıada oıyndaryndaǵydaı óz chempıondaryna altyn medal úshin 250 myń dollar tóleıdi. Bul soma Qazaqstandy tólem mólsheri boıynsha TMD elderi arasynda kóshbasshy etti.
Altyn medal ıelerine eń kóp syıaqy beretin el – Gonkong. Bul memleket altyn alǵan sportshylarǵa 768 myń dollar ýáde etken. Gonkong sportshylary eki altyn men eki qola jeńip aldy.
Ekinshi turǵan Sıngapýr olımpıada jeńimpazdaryna altyn úshin 745 myń dollar beredi. Alaıda, bul oıyndarda sıngapýrlyq sportshylar jalǵyz qolany qanaǵat tutty. Jalǵyz qola medal ıesine 186 myń dollar tólenedi.
Tokıo Olımpıadasynda altyn úshin 746 myń dollar tólegen Indonezıa bul jolǵy syıaqyna 300 myń dollarǵa deıin qysqartqan.
271 myń dollar syıaqy tóleıtin Izraıl reıtıńtiń tórtinshi satysynda tur.
Al altyn medal ıgerine 250 myń dollar beretin bizdiń elimiz osy bestikti aıaqtaıdy. Bul reıtıńtiń sońy bolǵanmen, elimizdiń syıaqy kórsetkishi TMD elderi arasynda kósh bastap tur.
