Almatynyń Almaly aýdanynda «Halyq qatysatyn búdjet» («HQB») baǵdarlamasy boıynsha Sábıt Muqanov atyndaǵy saıabaq abattandyryldy, dep habarlaıdy aqshamnews.kz
Tóle bı men Muqanov kósheleriniń qıylysyndaǵy jaıly ári shaǵyn skverde jańa balalar oıyn alańy, oryndyqtar men qoqys jáshikteri ornatyldy, syrtqy jaryqtandyrý jańǵyrtylyp, jańa kógaldarǵa avtomatty sýarý júıesi tartyldy, jaıaý júrginshiler aımaqtary jańardy.
Skver sońǵy ret 2016 jyly bıznestiń áleýmettik jaýapkershiligi aıasynda jóndelgen.
Eskertkishtiń janyndaǵy basty aleıadaǵy abattandyrylǵan skverde «Sábıt Muqanov - sóz jáne qalam sheberi» atty kitap kórmesiniń tusaýy kesildi. Jazýshy jaıly sóz zergeri, ǵalymdar men mádenıettanýshylar áńgimeledi. İs-sharany «Zeıin» shyǵarmashylyq mektebiniń tárbıelenýshileri mýzykamen súıemeldep, qoldady. Al Almaly aýdanynyń «Shyńǵa órle, bıikke samǵa» áleýmettik klýbynyń oqýshylary ataqty jazýshynyń bizdiń súıikti Almaty qalasyna arnaǵan óleńderin oqydy.
2024 jyly «HQB» baǵdarlamasy aıasynda Almaly aýdanynda 12 qoǵamdyq keńistik jańartylýda. Olardyń ishinde jaıaý júrginshiler aımaqtary, skverler jáne jasyl aımaqtar bar. «HQB» baǵdarlamasy aıasynda barlyǵy 52 joba júzege asyrylýda. Bul maqsat úshin Almaty ákimi Erbolat Dosaevtyń tapsyrmasymen bıyl osy baǵdarlama boıynsha qarjylandyrý 2 mlrd teńgege deıin ulǵaıtyldy.
