Tirkeý habarlama berilgen sátten bastap bir jumys kúni ishinde júzege asyrylady
Qazaqstan Respýblıkasynda turýǵa yqtıarhaty bar Reseı Federasıasy, Tájikstan, Qyrǵyzstan, Belarýs, Armenıa elderiniń azamattary elimizde kásipkerlik qyzmetti júzege asyra alady. Bul týraly QR QM Memlekettik kirister komıteti málimdedi, dep habarlaıdy Almaty-akshamy.kz.
2017 jylǵy 1 qańtardan bastap dara kásipker retinde tirkeý esebine qoıý habarlama jiberý tártibine aýystyryldy. Iaǵnı, jeke tulǵa dara kásipker retinde tirkelý úshin memlekettik kiris organyna dara kásipker retinde qyzmetiniń bastalǵany týraly habarlama usynady. Qyzmettiń bastalǵany týraly habarlamany egov.kz portaly, «e-Salyq business» mobıldi qosymshasy, ekinshi deńgeıdegi bankterdiń mobıldi qosymshalary arqyly jiberýge bolady. Sondaı-aq memlekettik kirister organdarynyń Qyzmet kórsetý ortalyqtarynda qaǵaz túrinde habarlama berýge bolady.
Tirkeý habarlama berilgen sátten bastap bir jumys kúni ishinde júzege asyrylady. Dara kásipker retinde tirkelgeni týraly aqparatty www.kgd.gov.kz portalynda «Salyq tóleýshini izdeý» batyrmasy arqyly elektrondy servısterden alýǵa bolady.
2014 jylǵy 29 mamyrdaǵy Eýrazıalyq ekonomıkalyq odaq týraly shartqa sáıkes jeke kásipker retinde qyzmetti Qazaqstan Respýblıkasynyń aýmaǵynda turaqty turatyn, ıaǵnı Qazaqstan Respýblıkasynda turýǵa yqtıarhaty bar Qazaqstan Respýblıkasynyń azamattary, qandastar, sondaı-aq RF, Tájikstan, Qyrǵyzstan, Belarýs, Armenıa elderiniń beırezıdentteri júzege asyra alady.
2021 jylǵy 1 qańtardan bastap beırezıdent-jeke tulǵalardy, sheteldikter men azamattyǵy joq adamdardy tirkeý, onyń ishinde JSN qalyptastyrý, tirkeý derekterine ózgerister jáne (nemese) tolyqtyrýlar engizý, sondaı-aq jeke tulǵalardyń JSN nómirin alyp tastaý fýnksıasy Memlekettik kirister komıtetiniń quzyretinen Qazaqstan Respýblıkasy İshki ister mınıstrligine berildi.