Alkogóldi ishimdik ishý test nátıjesine keri áser etýi múmkin.
Pandemıadaǵy ómir azamattardan jańa erejelerdi talap etedi, olardyń keıbireýlerin PTR tapsyrǵanǵa deıin este saqtaý kerek, dep habarlaıdy Almaty-akshamy.kz
«Vestı» radıosyna suqbat bergen "Rospotrebnadzor" mamandarynyń aıtýynsha, koronavırýsqa PTR test tapsyrar aldynda eshteńe iship- jeýge, onyń ishinde alkogóldi ishimdik ishýge tipti bolmaıdy.
«Synamalardy sońǵy tamaqtanǵannan keıin úsh -tórt saǵattan keshiktirmeı alý qajet, áıtpese, naýqas jalǵan teris nátıje alýy múmkin. Dál sol sebepti PTR testten ótýden buryn tisterińizdi tazalamańyz, dárilik spreılerdi, dári-dármekterdi jáne tamshylardy qoldanbańyz», - dep eskertedi sarapshylar.
Synaq aldynda erin dalaby men bálzamdy da qoldanbaǵan durys. Ereje boıynsha, medısına qyzmetkerleri prosedýra kezinde aýyzǵa tımeıdi, biraq probırkaǵa kosmetıkanyń kezdeısoq tıip ketýi de PTR reaksıasyn báseńdetýi múmkin. Dárigerlerdiń aıtýynsha, eger ishimdik iship qoıǵan jaǵdaıda, PTR tapsyrýǵa eki kúnnen keıin ǵana barǵan durys bolady.