Soltústik Qazaqstan oblysynda taǵy bir aýylda qus tumaýynyń oshaǵy anyqtaldy
Bul joly Tımırázev aýdanyna qarasty Drýjba eldi mekeninde taýyq, qaz, úırek jáne kúrketaýyqtar qyrylyp qalǵan, dep habarlaıdy Almaty-akshamy.kz
Sońǵy aqparatqa sáıkes, 200-den astam qustyń óleksesi órteldi. Nur-Sultan qalasyndaǵy veterınarıa boıynsha Ulttyq referenttik ortalyqta júrgizilgen saraptama juqpaly aýrýdy rastady. Qazir turǵyndardyń qora-qopsylary zararsyzdandyryp, mamandar epızotıalyq jaǵdaıdy baqylaýda ustap otyr. Esterińizge sala keteıik, shamamen bir aı buryn qaýipti kesel Lebáje aýylynda da tirkelip, myńnan astam úı qusy qyrylǵan edi.
«İndet jabaıy qustardan juǵýy múmkin. Sebebi aýyl mańynda kól bar. Bolashaqta azamattarǵa ótemaqy tólenedi. Ol úshin arnaıy komısıa qurylatyn bolady. Jalpy bıyl veterınarlar óńirde bir mıllıonanan atsam qusqa vaksına saldy», - oblystyq veterınarıa basqarmasynyń bólim basshysy Qaıyrly Qazanov.