Beıjiń marafony 1981 jyldan beri jyl saıyn ótkizilip keledi
Ekinshi jyl qatarynan mereıtoılyq, 40-shy, halyqaralyq Beıjiń marafony Qytaı Halyq Respýblıkasy astanasyndaǵy epıdemıologıalyq jaǵdaıǵa baılanysty keıinge qaldy. Bul týraly sport sharasyn uıymdastyrý komıtetiniń habarlamasynda aıtyldy, dep habarlaıdy Almaty-akshamy.kz
Habarlamada koronavırýstyń klasterlik órshýine baılanysty, sondaı-aq epıdemıanyń taralý qaýpiniń aldyn alý, júgirýshiler, qyzmetkerler jáne jurtshylyqtyń densaýlyǵyn saqtaýdy qamtamasyz etý maqsatynda 31 qazanda ótkizilýi tıis bolǵan. Alaıda Beıjiń marafony keıinge qalǵany aıtylǵan. Júgirýdiń jańa datasy qosymsha jarıalanady.
Eske sala ketsek, 40-shy halyqaralyq Beıjiń marafony 2020 jyly ótýi tıis bolǵan, biraq koronavırýs pandemıasyna baılanysty keıinge aýystyrylǵan.
Bıylǵy 1 qazanda Qytaıdaǵy abyroıly sport jarysyna qatysýshylardyń resmı tirkelýi bastaldy. Beıjiń marafonyna 30 myńǵa jýyq sportshy qatysýǵa nıetti bolǵan.
Uıymdastyrý komıtetiniń buǵan deıin taratqan habarlamasynda jazylǵandaı, marafon qatysýshylary koronavırýsqa qarsy vaksına alýy, jarysqa 21 kún qalǵanda kún saıyn densaýlyǵynyń jaǵdaıy týraly «resmı málimdeý» jáne Beıjiń syrtyna shyqpaýy tıis bolǵan.
Budan basqa, júgirýshilerdiń qolynda marafon startynan 72 saǵat buryn KVI teris qorytyndysyn kórsetken test bolýy tıis. Uzaqtyǵy 42,195 shaqyrym qashyqtyq Beıjiń ortalyǵyndaǵy Tánanmen alańynan bastalyp, QHR astanasynyń soltústigindegi Olımpıada sport kesheninde aıaqtalady. Beıjiń marafony 1981 jyldan beri jyl saıyn ótkizilip keledi.
Onyń trassasy Halyqaralyq jeńilatletıkalyq federasıalar qaýymdastyǵynyń ólshemderine sáıkes keledi jáne onda álemdik rekordtar ornatylýy múmkin.