Prezıdent Zańsyz ıemdenilgen aktıvterdi memleketke qaıtarý týraly zańdy maquldady, dep habarlaıdy Almaty-akshamy.kz.
«Memleket basshysy «Zańsyz ıemdenilgen aktıvterdi memleketke qaıtarý týraly» Qazaqstan Respýblıkasynyń Zańyna qol qoıdy.
Zańnyń mátini baspasózde jarıalanady», - dep jazylǵan Aqordanyń resmı saıtyna jarıalanǵan qujatta.
Prezıdent «Qazaqstan Respýblıkasynyń keıbir zańnamalyq aktilerine zańsyz ıemdenilgen aktıvterdi memleketke qaıtarý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna da qol qoıdy. Bul zańnyń mátini de baspasózde jarıalanady.
Aıta keteıik, zań normalaryna sáıkes qaıtarý tetikteri iri sybaılas jemqorlyq sýbektilerine jáne ákimshilik-bılik resýrstary (baılanystary, yqpaly) bar adamdarmen sybaılas olıgopolıalyq toptarǵa qoldanylady.
▪️Zań jaýapty memlekettik laýazymdy atqaratyn (atqarǵan) sýbektilerge, memlekettik zańdy tulǵalarǵa, kvazımemlekettik sektor sýbektilerine, sondaı-aq atalǵan tulǵalarmen affılırlengen sýbektilerge qoldanylady.
▪️Zań erejelerin qoldaný úshin kórsetilgen krıterıılerge qosymsha tulǵalarda Zańda belgilengen shekti somadan – 13 mln. AEK-ten asatyn (44 mlrd. 850 mln. teńge nemese shamamen 100 mln. AQSH dollary) aktıvteri bolýǵa tıis.
▪️Aktıvterdi qaıtarý jumystaryn arnaýly ýákiletti organ (Bas prokýratýra vedomstvosy) júzege asyrady. Ol memlekettik organdardyń aqparaty jáne zańnamada tyıym salynbaǵan basqa da kózder negizinde monıtorıń pen taldaý júrgizedi.
▪️Monıtorıń jáne taldaý barysynda aktıvterdi zańsyz shyǵarý sqemasyna qatysy bar tulǵalar toby, olarmen úlestes tulǵalar toby, aktıvterdiń jıyntyq mólsheri, aktıvterdi zańsyz ıemdenýdiń, olardy elden tys jerge shyǵarýdyń belgileri men mán-jaıy jáne ózge de málimetter aıqyndalady.
▪️Taldaý qorytyndysy boıynsha, eger ýákiletti organda satyp alynǵan aktıvterdiń zańdylyǵyna qatysty oryndy kúmán týyndasa, ol aktıvterdi qaıtarý jónindegi komısıaǵa (Parlament depýtattarynan, qoǵam qaıratkerlerinen, Úkimet múshelerinen, memlekettik organdardyń birinshi basshylarynan jáne ózge de tulǵalardan quralǵan komısıany Premer-Mınıstr jasaqtaıdy) osyndaı sýbektiler men olardyń úlestes tulǵalaryn tıisti reestrge qosý týraly usynystar engizedi.
▪️Zańda ýákiletti organnyń oryndy kúmándanýyna negiz bolatyn krıterııler naqty aıqyndalǵan. Bul – aktıvter qunynyń zańdy kirister kólemine nemese aktıvterdi ıemdenýine, tulǵanyń nemese onyń úlestes tulǵalarynyń aktıvterdi belgilengen shekten joǵary baǵada (jaýapty laýazymǵa ornalasý kezinde ne odan keıin) satyp alýyna arnalǵan shyǵystardy jabýdyń ózge de kózderine sáıkes kelmeıtin jáne Zańda belgilengen basqa da negizder.
▪️Komısıa tulǵalardy Reestrge engizý týraly sheshim qabyldaıdy. Sondaı-aq áleýmettik, saıası jáne ekonomıkalyq turaqtylyqty eskere otyryp, aktıvterdi qaıtarý jónindegi aldaǵy sharalar týraly sheshim qabyldaıdy, qala quraýshy kásiporyndardyń aktıvteri boıynsha usynymdar ázirleıdi.
▪️Komısıa adamdardy Reestrge engizgen jaǵdaıda, ýákiletti organ bul týraly olardy habardar etedi jáne osy sátten bastap tulǵalar aktıvterdi ıemdenýdiń zańdylyǵyn rastaı otyryp, aktıvter týraly deklarasıany tapsyra alady (bir aı ishinde ne 3 aı ishinde – qujattardy jınaý jáne daıyndaý úshin neǵurlym uzaq merzim qajet bolǵan jaǵdaıda).
▪️Deklarasıada sýbektiler zańdy tulǵanyń kiristerin, aktıvterin, jarǵylyq kapıtalyna qatysý úlesterin, Qazaqstandaǵy jáne sheteldegi qaryzdardy, aktıvterdiń shyǵý tegi týraly ózge de málimetterdi kórsetýge tıis.
▪️Eger tulǵa aktıvterdi ıemdenýdiń zańdylyǵyn rastaı almasa, onda mundaı aktıvter shyǵý tegi túsiniksiz aktıvter dep tanylady.
▪️Aktıvti elden shyǵarý nemese ony ıelikten shyǵarý qaýpi týyndaǵan kezde, ýákiletti organ aldyn alý sharalaryn qabyldaý týraly ótinishpen sotqa júginedi.
Zańsyz ıemdelingen aktıvterdi qaıtarý erikti túrde nemese Respýblıkanyń, shet memleketterdiń sot aktileri nemese shet memleketterdiń quzyretti organdarynyń sheshimderi negizinde májbúrli túrde júzege asyrylýy múmkin.
▪️Sharttar aqsha tóleý, aktıvterdiń bir bóligin nemese barlyǵyn memleketke qaıtarý, sondaı-aq tolyq alynbaǵan salyqtyń, keltirilgen zalaldyń, aktıvterdi ıelengen jalpy kezeń ishinde tulǵa tapqan tabystyń somasyn, biraq memleketke keltirilgen zalaldan kem emes somalardy jáne basqa da sharttardy qamtýy múmkin.
▪️Aktıvterdi májbúrli túrde qaıtarý ýákiletti organnyń sotqa júginýi arqyly azamattyq prosestik zańnama qaǵıdalarynyń jalpy negizdemelerine sáıkes júzege asyrylady.
▪️Zańda adal satyp alýshylardy qorǵaý tetikteri kózdelgen.
▪️Memleket paıdasyna túsken aktıvter Qarjy mınıstrligindegi qolma-qol aqshany baqylaý shoty sanalatyn Arnaýly memlekettik qorǵa beriledi. Qarajat Arnaýly memlekettik qordan áleýmettik, ekonomıkalyq jobalardy qarjylandyrýǵa jumsalady.
▪️Aktıvterdiń shetelde bolýy múmkin ekenin eskere otyryp, Zańda sottar sheshimderiniń oryndalýyn qamtamasyz etý, aqparat almasý jáne ózge de quqyqtyq ózara is-qımyldar úshin halyqaralyq quqyqtyq yntymaqtastyq tetikteri qarastyrylǵan.
▪️Ýákiletti organ jyl saıyn aktıvterdi zańsyz ıemdenýge jáne shyǵarýǵa qarsy is-qımyl, qabyldanǵan júıeli sharalar, onyń ishinde resmı saıtynda jarıalanatyn aktıvterdi zańsyz ıemdenýge jáne shyǵarýǵa yqpal etetin sebepter men jaǵdaılardy boldyrmaý sharalaryn qamtıtyn aqparat daıyndaıdy.
▪️Mundaı zańdardy qoldanysqa engizý jónindegi jalpy talaptarǵa sáıkes, jarıalanǵannan keıin 60 kún ótken soń qoldanysqa engiziletin azamattardyń quqyqtary men mindetterine qatysty erejelerdi qospaǵanda, Zań jarıalanǵannan keıin 10 kún ótken soń qoldanysqa engiziledi.