Bul týraly Almaty qalasy boıynsha Memlekettik kirister departamenti Zań basqarmasynyń basshysy Abylaı Mekebaev Óńirlik komýnıkasıalar qyzmetiniń brıfıńinde aıtty, dep habarlaıdy Almaty-akshamy.kz.
Departamenttiń derekteri boıynsha jyl basynan beri Almaty boıynsha 14 260 ákimshilik materıal jasaldy, onyń ishinde 2570 habarlama bolsa, qalǵany ákimshilik hattamalar men qaýlylar. Bul rette salyq salý salasyndaǵy jıi oryn alatyn quqyq buzýshylyqtar ákimshilik quqyq buzýshylyq týraly kodekstiń baptary boıynsha jasalady:
- 272-bap boıynsha merzimde salyq eseptiligin usynbaý;
- zeınetaqymen qamsyzdandyrý, mindetti áleýmettik saqtandyrý, Mindetti áleýmettik medısınalyq saqtandyrý salasyndaǵy buzýshylyq (atap aıtqanda, tóleýshiniń aýdarym jáne (nemese) jarnalar boıynsha mindetterdi oryndamaýy ne tıisinshe oryndamaýy) 91,92,92-1-bap;
- salyqtardyń jáne búdjetke tólenetin basqa da mindetti tólemderdiń somalaryn tómendetý) 278-bap boıynsha tekserý nátıjeleri boıynsha anyqtalady;
- 275-bap boıynsha salyq eseptiliginde kórsetilýge jatatyn salyq salý obektilerin jáne ózge de múlikti jasyrý;
- 269-bap boıynsha Memlekettik kirister organynda tirkeý esebine qoıý merzimin buzý.
«Ákimshilik aıyppuldardyń kópshiligi tólenbeıdi, tekserý nátıjeleri boıynsha týyndaǵan aıyppuldar tólenbeı qalady. Sondaı-aq, áleýmettik tólemder boıynsha, Ákimshilik quqyq buzýshylyq týraly kodekstiń 278-baby boıynsha.Sondaı-aq 91-92-92-1 baptary boıynsha, bul aıyppuldardyń sanattary, olarǵa ishinara 275 bap qosylady, ıaǵnı, salyq salý obektilerin jasyrý. Bul - tólemder boıynsha problemalar jıi kezdesetin baptar. Óndirip alý sharalaryn Memlekettik kirister organy atqarýshylyq is júrgizý organdaryna júginbeı - aq júrgizedi», - dedi A.Mekebaev.
Ákimshilik quqyq buzýshylyq týraly isti qozǵaýǵa sebep bolatyn jaıttar (802-bap):
- ýákiletti laýazymdy adamnyń osy baptyń úshinshi bóliginiń erejelerin eskere otyryp, Ákimshilik quqyq buzýshylyq jasaý faktisin tikeleı anyqtaýy;
- quqyq qorǵaý organdarynan, sondaı-aq basqa da memlekettik organdardan, jergilikti ózin-ózi basqarý organdarynan kelip túsken materıaldar;
- jeke jáne zańdy tulǵalardyń habarlamalary nemese ótinishteri, sondaı-aq buqaralyq aqparat quraldaryndaǵy habarlamalar;
- arnaıy avtomattandyrylǵan ólsheý quraldarynyń, sondaı-aq sertıfıkattalǵan arnaıy baqylaý-ólsheý tehnıkalyq quraldary men baıqaý aspaptarynyń, onyń ishinde avtomatty rejımde jumys isteıtinderdiń jáne avtomobıl kóligi jáne jol júrisi qaýipsizdigi salasynda jol jaǵdaıyn foto - beınetúsirilim, kólik quralynyń qozǵalys jyldamdyǵy men baǵytyn, joldyń basqa qatysýshylarynyń is-qımyldaryn aıqyndaý arqyly ákimshilik quqyq buzýshylyqtyń jasalýyn tirkeıtin kórsetkishteri qozǵalys;
-baqylaý-ólsheý aparatýrasynyń jáne (nemese) radıotehnıkalyq baqylaý quraldarynyń kórsetkishteri.
Ákimshilik quqyq buzýshylyq týraly hattamany oǵan ýákilettik berilgen laýazymdy adam jazbasha túrde jasaıdy. Jazbasha úlgisimen qatar, Ákimshilik quqyq buzýshylyq týraly hattamanyń elektrondyq nysany da paıdalanylýy múmkin.
«Ákimshilik quqyq buzýshylyq týraly isti qaraý kezinde jaýapqa tartylatyn adamnyń qorǵaýshysy bolýǵa quqyly, al qorǵaýshy – zańda belgilengen tártippen ákimshilik jaýaptylyqqa tartylatyn adamnyń quqyqtary men múddelerin qorǵaýdy júzege asyratyn jáne oǵan zań kómegin kórsetetin adam.
Advokattar qorǵaýshy retinde qatysady», - dedi spıker.
Advokattarmen qatar qorǵaýshy retinde jubaıy / zaıyby, jaqyn týystary nemese ákimshilik jaýapkershilikke tartylatyn adamnyń zańdy ókilderi jiberiledi. Eger bul Qazaqstan Respýblıkasynyń tıisti memleketpen halyqaralyq shartynda zańnamada aıqyndalatyn tártippen ózara negizde kózdelse, sheteldik advokattar iske qorǵaýshy retinde qatysýǵa ruqsat beriledi.