Bıyl 1 shildede Omannan Almatyǵa tikeleı áýe reısi ashylǵannan keıin sheteldik týrıser jıi kele bastady.
Sapar baǵdarlamasynda Almatynyń eń tanymal kórikti jerleri, shopıng jáne qalanyń úzdik mekemeleri boıynsha gastrotýr bar, dep habarlaıdy Almaty-akshamy.kz.
«Almaty Taıaý Shyǵys elderinen kelgen kásipker týrıser men qarapaıym saıahatshylar arasynda úlken tanymaldylyqqa ıe bola bastady. Biz Omannan kelgen qonaqtardy qushaq jaıa qarsy alamyz, olardyń sapary jaǵymdy ári este qalarlyq bolatynyna senimdimiz. Qabyldanǵan sharalardyń arqasynda Almatyǵa týrısik destınasıa retinde qyzyǵýshylyq artyp keledi, biz bul jumysty jalǵastyryp jatyrmyz», – dedi Almaty qalasy týrızm basqarmasynyń basshysy Ǵalıa Toqseıitova.
Ol «Almaty-Maskat» baǵyty boıynsha jańa reısti ashýdyń maqsaty Qazaqstan men Omannyń týrısik áleýetin damytý, eki eldiń arasyndaǵy saýda-ekonomıkalyq jáne mádenı baılanystardy nyǵaıtý ekenin aıtty. Onyń sózinshe, týrızm basqarmasy Almaty qalasyn halyqaralyq naryqtarda belsendi túrde ilgeriletýde. Mysaly, Taıaý Shyǵys elderinen týrıserdi tartý úshin Katar, BAÁ, Saýd Arabıasy jáne Omannyń iri qalalary boıynsha roýd-shoý uıymdastyryldy. Byltyr Almaty týrızm basqarmasynyń ókilderi Dubai – Arabian Travel Market 2022 kórmesine qatysty.
Aıta keterligi, pandemıa toqtaǵan sátten bastap Almatyda týrıser kóbeıe bastady. 2022 jyly megapolıske kelgen árbir tórtinshi týrıs sheteldik. 2022 jyly Almatyda sheteldik týrıser sany 417 myń adamǵa jetti. Bıyl birinshi toqsanda qalaǵa basqa elderden 400 myńnan astam týrıs kelgen.
Búginde Almatydan álemniń kez kelgen jerine ushýǵa bolady. Ushý kestesinde 23 elge reıs bar. Atap aıtsaq, Reseı, Grýzıa, Ońtústik Koreıa, BAÁ, Ulybrıtanıa jáne t.b. Sheteldiń 38 qalasyna tikeleı reıster ashylǵan.