Memleket basshysy Til bilimi ınstıtýtynyń dırektory Anar Fazyljanovany qabyldady, dep habarlaıdy Almaty-akshamy.kz
Prezıdentke Ahmet Baıtursynuly atyndaǵy Til bilimi ınstıtýty ǵalymdarynyń úsh baǵytta jumys atqaryp jatqany týraly málimet berildi.
Anar Fazyljanovanyń aıtýynsha, birinshi baǵyt – álemdik lıngvısıkanyń bir salasy retindegi qazaq tili ǵylymynyń irgeli teorıalyq máselelerine arnalǵan zertteýler. Ekinshi baǵyt – qazaq tilin sıfrlandyrý, atap aıtqanda, Qazaq tiliniń ulttyq korpýsy dep atalatyn elektrondy aqparttyq resýrs jasaǵan. Úshinshi baǵyt – qazaq tilin reformalaý. Ondaǵy maqsat – ǵylym salasyndaǵy qazaq tiliniń qoldanysyn keńeıtý.
Qasym-Jomart Toqaev Til bilimi ınstıtýty ǵalymdarynyń eńbekterine joǵary baǵa berip, jumystaryna tabys tiledi.