Úkimet zańsyz oıyn bıznesine jáne lýdomanıaǵa qarsy kúrestiń 2024-2026 jyldarǵa arnalǵan keshendi josparyn qabyldady.
Memleket basshysy Ulttyq quryltaıdyń Atyraýda ótken úshinshi otyrysynda lýdomanıamen kúresý úshin júıeli jumys jasap, keshendi jospar qurýdy, sondaı-aq tıisti zańdy tezirek qabyldaýdy tapsyrǵan edi.
Esterińizde bolsa, Májilis buǵan deıin osyǵan qatysty zań jobasyn birinshi oqylymda qarastyrǵan bolatyn. Qabyldanǵan keshendi jospardyń is-sharalary zań jobasynyń negizgi erejelerimen tolyq úndesedi.
Keshendi jospardyń jobasyn sarapshylar, sondaı-aq Jastar saıasaty jónindegi keńestiń músheleri keńinen talqylady. Jospar 4 bólimnen jáne 28 tarmaqtan turady. Onyń sapaly oryndalýyna 15 ortalyq jáne 20 jergilikti memlekettik organ jaýapty bolady.
Lýdomanıaǵa qarsy kúreste memlekettik organdardyń, úkimettik emes uıymdardyń jáne búkil qoǵamnyń jumylýy, dáıekti ári júıeli jumys jasaýy asa mańyzdy.