Búgin "Jeltoqsan Almaty" qoǵamdyq birlestiginiń músheleri Saıası qýǵyn-súrgin jáne asharshylyq qurbandary kúnine qurmet retinde ult ustazy – Ahmet Baıtursynulynyń eskertkishine taǵzym etip, gúl shoqtaryn qoıdy.
Odan soń Almaty irgesinen oryn tepken Talǵar qalasynda (Almaty oblysy) ornatylǵan "Batyrlar aleıasyna" da arnaıy baryp, alqyzyl gúlder toly sebet qoıdy.
– Biz qazaqtyń betke ustar qaımaqtarynyń kózin joıýǵa umtylǵan sonaý Keńestik júıeniń qıturqy saıasatyn, qoldan uıymdastyrylǵan asharshylyq náýbetti qalaı umytamyz?! Odan bergide oryn alǵan Jeltoqsan oqıǵasy da bir kezderi saıası basqynshylyqqa qarsy turǵan Alash qaıratkerleriniń izin jalǵaǵan, Táýelsizdikti armandaǵan jastardyń janaıqaıy bolatyn. Bizdiń qoǵamdyq birlestiktiń 700-den astamy múshesi, Almatynyń barlyq segiz aýdanynda jetekshileri bar. Bıyl da jyldaǵy dástúrimizden jańylmaı, saıası qýǵyn-súrgin qurbandaryna as berip, Quran baǵyshtadyq, – deıdi "Jeltoqsan Almaty" qoǵamdyq birlestiginiń tóraǵasy Serikbek JANDYBAI.
