Prezıdent medısına salasynyń qyzmetkerlerin Aqordaǵa shaqyryp, kásibı merekelerimen quttyqtady, dep habarlaıdy aqshamnews.kz.
"Álemniń «ekinshi ustazy» – Ál-Farabı medısınany óner dep baǵalaǵan. Rasynda, dáriger bolý – júrektiń isi", - dedi Memleket basshysy.
Búginde elimizdiń densaýlyq saqtaý salasynda 380 myńǵa jýyq adam jumys isteıdi. Prezıdent ár mamannyń eńbegi orasan zor ekenin atap ótti.
"Elimizde ortasha ómir súrý uzaqtyǵy 75,4 jasqa jetti. Ana men bala ólimi shamamen 12 paıyzǵa azaıdy.
Bes jylda 800-ge jýyq densaýlyq saqtaý nysany, ıaǵnı, kóptegen emhana men aýrýhana salyndy
Elimizde aýyldyq jerdegi medısına júıesin jańǵyrtýǵa arnalǵan ulttyq joba júzege asyrylyp jatyr. Búginde 469 ǵımarat boı kóterdi. Jyl sońyna deıin taǵy 186 nysan salynady
Jyl saıyn 45 memleketten shamamen 10 myń adam Qazaqstanǵa emdelý úshin arnaıy keledi. Bul elimizdegi dárigerlik kómektiń sapasy joǵary ekenin kórsetedi
Elimizde organdardy transplantasıalaý isi josparly túrde damyp keledi. Jýyrda júrek aýystyrýǵa arnalǵan júzinshi ota sátti ótti
Ózderine sáıkes keletin organdardy alý úshin pasıentter bir-birine donor boldy. Mundaı kúrdeli operasıalar dúnıe júzinde alty elde ǵana jasalady
Byltyrdan beri elimizde múlde jańa baǵyt – fetaldi medısına damı bastady. Iaǵnı, bul – ana qursaǵyndaǵy sharanaǵa operasıa jasaý degen sóz
Ǵalymdarymyz onkologıa, transplantologıa, neonatologıa, genetıka, bıomedısına salalarynda tyń jańalyqtar ashty
Jasandy ıntellekt syrqattardy anyqtaý men emdeýdiń kókjıegin keńeıtedi. Atalǵan perspektıvti salada aıtarlyqtaı serpilis jasaý qajet", - dedi Prezıdent Qasym-Jomart Toqaev.
Byltyrdan bastap Prezıednttiń tapsyrmasymen «Qazaqstannyń eńbek sińirgen dárigeri» ataǵy berile bastady. Qasym-Jomart Toqaev bul – medısına qyzmetkerlerine degen aıryqsha qurmettiń belgisi ekenin aıtty.
Sońǵy 5 jylda densaýlyq saqtaý salasyndaǵy jalaqy eki esege jýyq ósti. Medısına kadrlaryn daıarlaıtyn JOO men kolejderdiń shákirtaqysy kóbeıdi.
Densaýlyq saqtaý isine bólinetin qarjy jyl ótken saıyn artyp kele jatyr. Bıyl onyń kólemi 2,6 trıllıon teńgege jetti
Medısına qyzmetkeriniń qaýipsizdigine qater tóndiretin zańsyz áreketke jol berýge bolmaıdy. Qoǵamdyq tártipti buzatyn osyndaı adamdar mindetti túrde zań aıasynda jaýapkershilikke tartylady.