Memleket basshysyna Almaty qalasynyń bıylǵy 9 aıdaǵy áleýmettik-ekonomıkalyq damýynyń aldyn ala qorytyndysy týraly baıandady, dep habarlady almatty-akshamy.kz.
Erbolat Dosaev baıandamasynda:
-qala ekonomıkasynyń qarqyndy ósip, qysqa merzimdi ekonomıkalyq ındıkator jyl basynan beri 13,5 paıyzǵa kóterilgen;
-óńdeý ónerkásibiniń damý qarqyny (+21%) boıynsha Almaty elimizde turaqty túrde birinshi orynda;
-megapolıs ekonomıkasyna 1 trıllıon teńgeden astam ınvestısıa tartyldy;
-jeke ınvestısıalardyń ósimi 7,3 paıyzdy qurady;
-belsendi jumys istep turǵan shaǵyn jáne orta bıznes sýbektileriniń sany 341 myńǵa deıin jetip, 25,8 paıyzǵa artty;
-respýblıkalyq búdjettiń túsimi 38,4 paıyzǵa ósip, 3,91 trıllıon teńgege deıin jetti;
-jergilikti búdjettiń túsimine qatysty jospar 28,7 paıyzǵa (243 mlrd teńge) asyra oryndaldy;
-jyl basynan beri 58,7 myń jumys orny ashyldy, onyń 77 paıyzy turaqty jumys orny;
-2023 jyldyń qorytyndysy boıynsha ekonomıka ósiminiń qarqyny 6,5 paıyzǵa deıin jetedi degen boljam bar;
Sondaı-aq Qasym-Jomart Toqaevqa bıylǵy 18 tamyzda Almaty qalasyn damytý máseleleri jónindegi keńeste berilgen tapsyrmalarynyń oryndalý barysy týraly málim etildi:
-seısmıkalyq qaýipsizdikti qamtamasyz etý úshin jer silkinisi týraly aldyn ala habarlaıtyn 28 seısmostansıa ornatý jumystary tolyǵymen aıaqtaldy. Tótenshe jaǵdaı kezinde adamdar jınalatyn 545 qaýipsiz oryn anyqtaldy;
-medısınalyq qyzmet kórsetý sapasyn arttyrý úshin Alǵashqy medısınalyq-sanıtarlyq kómektiń biryńǵaı standarty ázirlendi;
-jyl basynan beri ólim-jitim kórsetkishi 11 paıyzǵa, ana ólimi 32,4 paıyzǵa, bala ólimi 35,5 paıyzǵa tómendedi;
-bilim berý salasynda 4,9 myń oqýshyǵa arnalǵan 10 mektep jáne 4 qosymsha oqý korpýsy salyndy;
-jyl sońyna deıin qaladaǵy jasyl-jelek kólemi jan basyna shaqqanda 12,3 sharshy metrge deıin ulǵaıady;
-jyl basynan beri jasyl-jelekti avtomattandyrylǵan sýarý júıesimen qamtý kórsetkishi 3,4 ese ósken. Bıylǵy 9 aıda 405 gektar aýmaqta jumys júrgizildi. Jyl sońyna deıin bul kórsetkish 587 gektarǵa deıin jetkiziledi;
Sonymen qatar, qala ákimi memleket basshysy qoldaǵan bastama aıasynda aýdan ákimdikterine olardyń búdjetterin 3,1 esege, ıaǵnı 184,3 mıllıard teńgege deıin ulǵaıta otyryp, 15 fýnksıa berildigi;
-búginde 196 myń sharshy metr jolǵa aǵymdaǵy jóndeý jumystary júrgizildi. 100 shaqyrymnan astam sýmen jabdyqtaý jáne sý tartý jelileri salynǵany jaıynda baıandady.
Kezdesý sońynda Qasym-Jomart Toqaev turǵyndardy sapaly sýmen, sý burý jelilerimen qamtamasyz etý, ınvestısıa tartý jónindegi sharalardy kúsheıtý, sondaı-aq Almaty aglomerasıasymen kólik baılanysyn jaqsartý jónindegi jobalardy odan ári iske asyrýǵa erekshe nazar aýdarýdy tapsyrdy.
t.me/aqorda_resmi