Sońǵy janjal kezinde kúdikti atys qarýyn qoldanǵan
Almaty oblysy polısıa departamenti qaıǵyly oqıǵa kýágerleriniń bergen kýáligine súıene otyryp, kisi ólimine deıin taraptar arasynda uzaqqa sozylǵan arazdyq bolǵanyn aıtty, dep habarlaıdy Almaty-akshamy.kz.
«Tóbeleske qatysýshy qos tarap mektep qabyrǵasynan bastap araz bolyp, búgingi kúnge deıin bir-birin jaratpaı kelgen. Sońǵy janjal kezinde kúdikti atys qarýyn qoldanǵan. Saldarynan bireýi qaıtys bolyp, qalǵan ekeýi jaraqat aldy»,-delingen habarlamada.
QR İİM Uzynaǵashtaǵy jas jigittiń ólimine qatysty tergeý erekshe baqylaýǵa alynǵanyn habarlaıdy. Qazir óńir polıseıleri kúdiktilerdi izdestirý boıynsha arnaıy is-sharalar ótkizip jatyr.
4 tamyzda saǵat 16:20 shamasynda úsh jergilikti turǵyn oq jaraqatymen Uzynaǵash aýylynyń aýrýhanasyna kelip tústi, olardyń bireýi jansaqtaý bóliminde jan tapsyrdy. "Ustaý" jospary jarıalandy. Oblystyq polısıa qyzmetkerleri tóbeleske qatysýshylardyń barlyǵyn anyqtap, olardy ustaý boıynsha is-sharalar júrgizilip jatqanyn habarlady.