Onyń taǵy eki birdeı qylmysqa qatysy bar ekeni de dáleldendi
Polısıa qyzmetkerleri «Sary arqa» bazarynda uıaly telefon urlaý áreketi sátsiz aıaqtalǵannan keıin 1980 jyly týǵan T.esimdi azamatty ustady, dep habarlaıdy Almaty-akshamy.kz.
Óz is-áreketine eshkim qarap turmaǵanyna kóz jetkizgen ol, áıeldiń uıaly telefonyn urlap ketken. Qashyp ketpek bolǵan kúdikti qolǵa tústi. Tórt kún ishinde er adam úsh ret urlyq jasaǵan.
«Qazir ýaqytta ustalǵan adam kinásin moıyndap jatyr. Onyń taǵy eki birdeı qylmysqa qatysy bar ekeni de dáleldendi. Atalǵan derekter boıynsha qylmystyq ister tirkeldi. QR QK-niń 24 baby 3 bóligi; 188 baby 1 bóligi; 188 baby 3 bóliginiń 2 tarmaǵy boıynsha sotqa deıingi tergeý bastaldy. Negizinen, qaskóı bazarda júrgen, satyp alýshylar satyp alynǵan taýarlarmen álek bolyp jatqanda, qaltalarynan nemese sómkelerinen uıaly telefondardy únsiz shyǵaryp alatyn bolǵan. Qazir kúdiktiniń qala aýmaǵynda jasalǵan osyǵan uqsas qylmystarǵa qatysy bar-joǵy tekserilip jatyr», - dedi, Áýezov aýdandyq polısıa Basqarmasynyń bastyǵy, polısıa podpolkovnıgi Ulan Ábilqaıyr.