İİM “Quqyqtyq tártip” keń aýqymdy operasıasyn bastady
Qarasha aıynyń sońǵy on kúndiginde polısıa qyzmetkerleri qyzmettiń kúsheıtilgen nusqasyna aýystyryldy, dep habarlaıdy Almaty-akshamy.kz
Saıajaılarda, qurylys obektilerinde, bazarlarda, sharýa qojalyqtarda, jaldamaly páterlerde, shalǵaı jerlerde tekserý júrgiziledi.
Alkogóldi ishimdik ishý, qoǵamdyq oryndarda mas kúıde júrý, belgilenbegen jerlerde temeki shegý, usaq buzaqylyq jasaý, ortaq paıdalaný oryndaryn lastaý, tynyshtyqty buzý, otbasylyq-turmystyq qatynastar salasyndaǵy quqyq buzýshylyqtarǵa jol berý syndy quqyq buzýshylyqtarǵa “múldem tózbeýshilik” qaǵıdaty qoldanylady.
Qorǵaý nusqamasy shyǵarylǵan, minez-qulqyna erekshe talaptar qoıylǵan, İİO esebine alynǵan adamdar, maskúnemder, nashaqorlar, qolaısyz otbasylar arasynda quqyq buzýshylyqtardyń aldyn alý boıynsha reıdter júrgiziledi.
Sonymen qatar jol júrisi qozǵalysy máselesine baqylaý kúsheıtildi. Stıhıalyq qoqys oryndaryn jáne olardyń shyǵý kózderin anyqtaý boıynsha sharalar qabyldanyp jatyr.
İs-shara jergilikti atqarýshy organdarmen, “Amanat” partıasynyń óńirlik fılıaldarymen, úkimettik emes uıymdardyń, jastar qozǵalystarynyń jáne BAQ ókilderimen ózara is-qımyl aıasynda ótkiziledi. Operasıanyń negizgi baǵyty – qoǵamdyq tártipti saqtaýdy jáne kóshelerdegi profılaktıkany kúsheıtý.
– Ár qyzmetker zań atynan naqty áreket etýi kerek. Azamattarmen sypaıy bolýdy umytpaý qajet. Zań bárine birdeı, – dep atap ótti İshki ister mınıstri Erjan Sadenov.