Qala ákimdigi atap ótkendeı, 2024 jyldyń 26 naýryzynan bastap qala aýmaǵynda qardyń qarqyndy erýi saldarynan jeke sektorlardy jappaı sý basty, dep habarlaıdy almaty-akshamy.kz.
"Sondaı-aq, káriz kolektorlary men sýaǵarlarǵa túsetin júktemeniń artýyna baılanysty, Abaı kóshesi boıyndaǵy kolektor isten shyqqan bolatyn. Kesirinen turǵyndardyń qalypty tynys-tirshiligi buzylyp, birneshe turǵyn úı sý astynda qaldy", dep habarlady Petropavl qalasy ákimdiginiń baspasóz qyzmeti.
Sondaı-aq qalada 4 sáýirden bastap tótenshe jaǵdaı rejımi jarıalanǵany naqtylanady.
"Avarıalyq jaǵdaıdy joıý jáne turǵyndarǵa keltirilgen shyǵyndy mınımızasıalaý maqsatynda qala ákiminiń sheshimimen 2024 jyly 4 sáýirden bastap Petropavl qalasynyń aýmaǵynda jergilikti aýqymdaǵy tabıǵı sıpattaǵy TJ rejımi jarıalanady", dep jazylǵan Petropavl qalasy ákimdiginiń baspasóz qyzmetiniń habarlamasynda.