Bul týraly Perızat Qaırat Astana sotynda proses bastalar aldynda málimdedi, dep habarlaıdy aqshamnews.kz Tengrinews.kz-ke silteme jasap.
Alaıaqtyq boıynsha jáne qylmystyq jolmen alynǵan aqshany zańdastyrdy degen kúdikke ilingen Perızat Qaırat tergeý ızolátorynda soqqyǵa jyǵylǵanyn málimdedi.
"Moraldyq turǵydan sharshadym, aınalamda kóp... Tergeý ızolátory qyzmetkerleriniń uryp-soqqany týraly endi ashyq aıta alamyn. Astana qalalyq prokýratýrasynda qylmystyq is qozǵaldy. Qazir jaǵdaıym jaqsy", - dedi Perızat Qaırat.
Jýrnalıser odan osy jaǵdaıǵa baılanysty quqyq qorǵaýshylardan kómek suraǵan-suramaǵanyn naqtylady.
"Búgingi kúnge deıin qandaı ótinish bersem de, maǵan qoǵamdyq qorǵaýshy berilmedi. Anamdy búgin birinshi ret kórip otyrmyn. Anam 18 naýryzda ǵana kúdikti retinde tanyldy. Meniń barlyq zańdy quqyǵym buzyldy", - dedi ol sot zalynda jylap.
Sottalýshy jýrnalıserge ashyq sot prosesine qarsy emes ekenin aıtty, biraq anasyn túsirmeýdi ótindi.