Sot Perızat Qaırat pen onyń anasynyń sot tergeýin BAQ-ty qatystyrmaı ótkizý týraly ótinishine qatysty sheshimin jarıalady, - dep habarlaıdy aqshamnews.kz Tengrinews.kz-ke silteme jasap.
Astana qylmystyq ister jónindegi aýdanaralyq sotynyń sýdıasy Sabyrjan Kárimov sheshimdi jarıa etti.
"Qaırattyń aldyn ala tyńdaýdaǵy ótinishi qaraldy (...) Sot sot prosesin jabyq túrde ótkizý týraly ótinishti ishinara qanaǵattandyrý týraly qaýly shyǵardy. Sot otyrysy 2025 jyldyń 14 shildesine, saǵat 10:00-ge belgilendi", – dedi sýdıa.
Búgin tańerteń Astana sotynda Perızat Qaıratqa qatysty aldyn ala tyńdaý ótti. Oǵan azamattar men uıymdardan 3 mıllıard teńgeden astam qarjyny qaıyrymdylyq kómek kórsetý syltaýymen jymqyrdy degen aıyp taǵylǵan. Aıyptalýshylar sot prosesine BAQ ókilderiniń qatysýyna qarsy bolyp, sot otyrysyn foto jáne vıdeoǵa túsirýge ruqsat bermedi.
Maýsymnyń aıaǵynda Bas prokýratýra Perızat Qaırat pen onyń anasyna qatysty qylmystyq istiń máni boıynsha qaralýy úshin Astana qylmystyq ister jónindegi aýdanaralyq sotyna joldanǵanyn habarlaǵan bolatyn.