Bul týraly İİM kıberqylmysqa qarsy is-qımyl departamentiniń bastyǵy Jandos Súıinbaı aıtty, dep habarlaıdy aqshamnews.kz
Almatyda belgili jýrnalıs, profesor, Qazaqstan Jazýshylar odaǵynyń múshesi Káken Qamzın alaıaqtardyń qurbany boldy dep budan buryn habarlaǵanbyz.
Qartaıǵan shaǵynda ol óziniń jalǵyz baspanasynan aıyrylyp qalýy múmkin. Qazir bul iske qatysty qylmystyq tergeý júrip jatyr.
Qazirgi tańda kúdiktini anyqtaýǵa baǵyttalǵan jedel-tergeý sharalary júrip jatyr. Tergeý múddesine baılanysty ózge aqparat ázirge jarıa etilmeıdi. Bul azamattyń baspanasy – óz atyna tirkelgen jyljymaıtyn múlik. Meniń oıymsha, ol baspanasyz qalmaıdy. Alaıaqtyq deregine quqyqtyq baǵa beriledi, – dedi İİM ókili Jandos Súıinbaı.
Profesor Káken Qamzınniń úıiniń aqshasyn alaıaqtar shetelge aýdarǵan. Sonymen birge úıdi satyp alǵandardyń bul qylmysqa qanshalyqty qatysy bar ekeni tekserilmek.