«Pedagogıkalyq ıdeıalar panoramasy-2024» beınesabaqtar men beınedárister respýblıkalyq baıqaýynyń óńirlik kezeńi aıaqtaldy.
Oǵan 5000-ǵa jýyq ótinim kelip tústi. Baıqaý Oqý-aǵartý mınıstrliginiń qoldaýymen 2018 jyldan beri dástúrli túrde uıymdastyrylýda, dep habarlaıdy aqshamnews.kz.
Birinshi kezeńge qatysý úshin pedagogter óz ıdeıalaryn: beınerolıkter, dárister, praktıkalyq, zerthanalyq jumystar, semınar, sheberlik sabaqtary, sıfrlyq bilim berý resýrstary nemese beıne podkast formatynda usyndy.
Konkýrstyń maqsaty – túrli deńgeıdegi bilim berý uıymdary qyzmetkerleriniń aspaptyq jáne pándik saýattylyqty damytý boıynsha zamanaýı oqytý tehnologıalary men ádistemelerin, ozyq pedagogıkalyq ıdeıalaryn tanystyrý jáne taratý.
Aıta keteıik, respýblıkalyq kezeń 11 qarashada bastaldy, nátıjeleri aǵymdaǵy jyldyń 20 jeltoqsanynda belgili bolady. Respýblıkalyq kezeńge úzdik nátıjeler kórsetken óńirlik kezeńniń jeńimpazdary qatysady.