Parıj Olımpıadasynyń bastalýyna 50 kún qaldy. Al ulttyq qurama qorjynyndaǵy joldamalardyń jalpy sany 56 boldy, dep habarlaıdy almaty-akshamy.kz.
Árıne, bul – salystyrmaly túrde tómen kórsetkish. Sońǵy lısenzıalardy boksshylarymyz jeńip aldy. Olar Taılandta ótken álemdik alamanǵa qatysqan bolatyn jáne keshe aqtyq kezdesýler ótti. Barlyq salmaqta joldama aldyq Boksshylar barlyq salmaqta joldama aldy. Birer saǵat buryn Taıland astanasy Bangkok qalasynda lısenzıalyq týrnır máresine jetti. Aıta ketý kerek, bul – Parıj Olımpıadasy aldyndaǵy sońǵy irikteý jarysy. Qazaqstannyń erler quramasyna bir joldama jetispeı tur edi. Ony orta salmaqtaǵy Muhammedsabyr Bazarbaıuly jeńip aldy. Jerlesimiz aqtyq synda Moldova ókili Aleksandr Paraskıvten basym tústi. Qorytyndy esep: 5:0. Jalpy Muhammed osy báseke barysynda óte aýyr jolmen júrip ótti. Dese de sońyna deıin tabandylyq tanytyp, negizgi maqsatyna qol jetkizdi. Osylaı qazaqstandyq jigitter Parıj Olımpıadasyna 7 salmaqta qatysady. Iaǵnı, bas bapker Myrzaǵalı Aıtjanov lısenzıaǵa qatysty jospardy tolyq oryndady. Endi dál osylaı medalǵa qatysty jospardy da júzege asyrady dep úmittenemiz. Boksshylar jazǵy oıydardan kemi 1 altyn ıemdenemiz degen mindetteme alyp otyr. Áıelder boksyndaǵy tarıhı jetistik Al áıelder boksynda tarıhı nátıje tirkeldi. Qazaqstan alǵash ret Olımpıada oıyndaryna 3 birdeı qyzyn qatystyrady. Bul jóninde Taılandtaǵy lısenzıalyq týrnırden keıin belgili boldy. Aıta keteıik, burymdy boksshylarymyz arasynan alǵashqy joldamany byltyr Azıa oıyndarynda Karına Ibragımova jeńip alǵan bolatyn. Al Bangkoktaǵy álemdik alamanda Valentına Halzova men Nazym Qyzaıbaı lısenzıaǵa qol sozdy. 75 kelide óner kórsetetin Valentına aqtyq synda Kolýmbıa sportshysyn utsa, Nazym Soltústik Koreıa ókilinen basym tústi. Qos kezdesý de 5:0 esebmen aıaqtaldy. Aıta keteıik, Qazaqstan quramasy áıelder boksy boıynsha Olımpıada oıyndaryna buǵan deıin 3 márte qatysty. Biraq joldama alǵan sportshylarymyzdyń sany ekeýden aspaıtyn. Parıj-2024: el namysyn kim qorǵaıdy? Smetov, Serikbaev nemese Shamshadın. Dzúdodan Parıj Olımpıadasyna kimniń qatysatyny áli kúnge deıin belgisiz. Erler arasyndaǵy eń jeńil salmaqta 3 birdeı úmitkerimiz bar. Olar: Eldos Smetov, Nurqanat Serikbaev jáne Maǵjan Shamshadın. Úsheýi de medalǵa qol soza alatyn negizgi sportshylarymyz sanalady. Al Olımpıadaǵa ár elden ár salmaqta bir ǵana sportshy qatysa alady. Sondyqtan otandyq bapkerler naqty kimdi jibererin bilmeı, bas qatyryp jatyr. Osy turǵyda burynǵy memlekettik jattyqtyrýshy ári sport fýnksıoneri Jandos Qonysbaev jigitter arasynda ózara sparrıng ótkizip, naǵyz myqtyny anyqtaýdy usyndy.
«Bul jerde dzúdoǵa jaýapty federasıa men sportqa jaýapty komıtet durys sheshim qabyldaýy qajet. Sebebi belgisiz sebeptermen ne jeke adamdardyń oılarymen bir sportshyny tańdap jiberetin bolsaq, qalǵan ekeýine obal bolady», – dedi ol.
Aıta keteıik, jýyrda ǵana jańartylǵan olımpıadalyq reıtıń boıynsha Nurqanat Seprikbaev 15-shi, Eldos Smetov 22-shi, al Maǵjan Shamshadın 24-shi orynda tur. Ulttyq quramany kim jattyqtyrady? Stanıslav Cherchesov ulttyq quramaǵa kele me? Qazir fýtbol jankúıerleri osy suraqqa jaýap tappaı álek. Óıtkeni Qazaqstan komandasynyń bas bapkeri reseılik Magomed Adıev birer kún buryn qyzmetinen ketti. Endi onyń ornyna taǵy bir reseılik Stanıslav Cherchesov keledi degen aqparat shyǵyp jatyr. Tipti Qazaqstan fýtbol federasıasynyń prezıdenti Ádilet Barmenqulov Stanıslav Cherchesovty negizgi úmitker dep málimdedi.
«Qazir biz 5 birdeı mamandy qarastyryp jatyrmyz. Onyń ishinde nómiri birinshisi – Stanıslav Cherchesov. Biz onymen sóılestik jáne naqty sheshimdi dúısenbi kúni jarıalaımyz», – dedi Barmenqulov kórshi eldiń RIA Novostı portalyna bergen suhbatynda.
Al Cherchesov bolsa kúni keshe eshkimmen sóılespegenin jáne eshteńe bilmeıtinin jetkizdi. Aıta keteıik, ulttyq komandamyz osy aıda 2 joldastyq kezdesý ótkizýi kerek. Iaǵnı, 7 maýsymda Armenıamen, 11 maýsymda Ázirbaıjanmen jolyǵady.