Endi qazaqstandyq sportshylar 11, 12, 13 naýryz kúnderi aıtýly alamanda baq synaıdy
Qytaı astanasy Beıjiń qalasynda 2022 jylǵy XIII qysqy Paralımpıada oıyndarynda para bıatlonnan túregep syrǵanaýda Aleksandr Gerlıs qola júldeger atandy, dep habarlaıdy Almaty-akshamy.kz QazAqparatqa silteme jasap.
Qazaqstandyq sportshy parabıatlonnan 10 shaqyrymǵa túregep syrǵanaýda jarys jolyna shyqty. Ol elimizdiń atynan atalǵan saıysta baq synaǵan jalǵyz sportshy bolatyn.
Aleksandr Gerlıs máre syzyǵyn úshinshi bolyp qıdy. Ol jarys jeńimpazy atanǵan kanadalyq Mark Arendzden 1:25.6-ke qalyp qoıdy. Kúmis júldeni ýkraınalyq Grıgorıı Vovchınskıı aldy.
Aıta ketsek, bul medal - bıylǵy qysqy Paralımpıadada qazaqstandyq sportshylardyń alǵashqy júldesi.
Sondaı-aq, búgin para bıatlonnan otyryp syrǵanaýda Sergeı Ýsolsev 14, Erbol Hamıtov 16-oryn aldy.
Eske salsaq, XIII qysqy Paralımpıada oıyndarynda Qazaqstan atynan Sergeı Ýsolsev pen Aleksandr Gerlısten ózge Erbol Hamıtov, Denıs Petrenko men Iýrıı Berezın el namysyn qorǵaıdy.
Endi qazaqstandyq sportshylar 11, 12, 13 naýryz kúnderi aıtýly alamanda baq synaıdy.
Qazaqstan sportshylary Paralımpıada oıyndaryna 1994 jyldan beri turaqty túrde qatysyp keledi.
Búgingi kúnge deıin el qorjynyna 1 altyn, 1 kúmis medal tústi. 1994 jyly 10 shaqyrymǵa klasıkalyq mánerde shańǵy jarysynda qazaqstandyq Lúbov Vorobeva «kúmis» alsa, 2018 jyly shańǵymen jarysta Aleksandr Koládın 1,5 shaqyrymǵa klasıkalyq mánerde sprınt jarysynda chempıon atandy.
Qysqy Paralımpıada 4 jáne 13 naýryz aralyǵynda ótkiziledi. Onda álemniń 50 memleketinen kelgen 700-ge tarta sportshy baq synaýda. Qazaqstan atynan barǵan 5 parasportshy sporttyń eki túrinen jarysqa qatysýda.