«Ózimiz otyryp shaı isheıikshi» deseńizder dostaryńyz ben jaqyndaryńyzdy alyp «Shaı isheıik» festıvalinen dám tatyp qaıtyńyz. Abaı atyndaǵy QazUOBT janyndaǵy saıabaqta «Shaı isheıik» deıtin taǵam festıvali (Shai isheik Food Fest) ótip jatyr dep habarlaıdy almaty-akshamy.kz.
Ádette qonaqtardy attandyryp nemese bir úlken jumysty tyndyrǵan kezde qazekem «Endi ózimiz otyryp bir shaı isheıikshi» dep jatpaýshy ma edi. Soǵan uqsas qala kúnine oraı ótip jatqan sharalardyń sirgejıar qorytyndysy da osy Shai isheik sharasy.
Gastronomıalyq taǵamdar festıvaliniń baǵadarlamasy jaı ǵana taǵamdarǵa arnalmaǵan. Taǵam daıarlaýǵa qatysty sheberlik sabaqtary, fýd-kort, ashyq aspan astyndaǵy kınoteatr, merekelik dastarhan, oıyn-saýyq baǵadarlamalaryn da óz ishine qamtıdy. Qyzyqty festıváldiń kishkentaı qonaqtaryna daıarlaǵan «Qojanasyr qupıasy» sekildi ınteraktıvti spektáklderi de bar.
Taǵam festıvaliniń eń negizgi ımıjdiń ónimi retinde ulttyq taǵam – baýyrsaq tańdalǵan. Shaǵyn saıa baqta 2000 dana baýyrsaq pisirilip tratylmaq. Ár qonaq úshin bir kese ystyq shaıy da daıyn. Qala toıynyń shashýynan jaqyn mańdaǵy qala turǵyndary aýyz tıip te jatyr.
«Festıvál formaty qala ortasyndaǵy belgili bir orynǵa baılanbaı, jyl boıy ótkizýge bolatyn ıkemdi joba deýge bolady. Iaǵnı, kóshpeli fetıval jobasy aldaǵy ýaqytta Almatydan ózge de qalalarǵa ótkizýge bolady. Konserttik baǵdarlamamyzdyń mazmunyn ár alýan etýge tyrystyq. Jańa estrada baǵyttarynan tartyp, etno-folklorlyq ansámblder de tartyldy. Al, keshki ashyq aspan kınoteatrynda otandyq, qazaqı fılmderdi kórsetýdi josparlap otyrmyz», – deıdi sharany uıymdastyrýshy Arýjan Murat.
Uıymdastyrýshylardyń pikirinshe, sharanyń bıznes ortany damytýǵa da ózindik yqpaly bar dep sanaıdy. Bylaısha aıtqanda ónim men qyzmet óteý sapasyn joǵarlatýǵa yqpal etedi.
Fetıval qala turǵyndary men qonaqtaryna unaǵan sekildi. Otbasymen birge Almatyda saıahattap júrgen tánszındik Ýań Lýyn shara alańynan rızashylyqpen shyǵyp barady eken. Sózge tartyp edik shahardyń dámi men adamdaryna dán rıza ekenin aıtyp ketti. «Taǵamdaryńyz óte dámdi eken, túri óte kóp, elde kóp ult bar bolǵannan solaı shyǵar. Bir-birine uqsamaıtyn túrli dámdi tatyp kórdik. Keremet! Qala kúni qutty bolsyn!» – deıdi Ýań Lýn.
Taǵy qaıtalaı keteıik, «Shaı isheıik» qala kúnine oraı ótip jatqan sharalardyń qorytyndysy retinde 23-24 qyrkúıek kúnderi ótip jatyr. Jeksenbi keshki 8-ge deıin qonaqtarǵa qyzmet kórsetpek.