İle Alataýynda joǵalyp ketken eki jasóspirim tabyldy dep habarlaıdy TJM.
"Zardap shekkendermen baılanys ornattyq, jasóspirimder Kýmbel shyńy aımaǵyndaǵy týrıserdi qutqarýǵa arnalǵan taýdaǵy lashyq úılerdiń birin panalaǵan. Qutqarýshylar jasóspirimderge saǵat 3:38-de jetti. Taýda qar kóp bolǵandyqtan, jastardyń kıimderi sý bolyp qalǵan eken. Qutqarýshylar olarǵa jyly shulyq berip, kıimderin keptirip, saǵat 5: 20-da taý basynan túse bastady. Jas týrıser Kók-Jaılaý - Úsh aǵaıyndy - Qumbel baǵytymen júrip, sol jerden Gorelnık shatqalyna túse bastaǵany anyqtaldy. Alaıda, jas týrıster ýaqytty eseptemeı, qarańǵy túse bastaǵan soń, joldy qysqartýǵa sheshim qabyldaǵan. Olar joldan shyǵyp, adasyp qalǵan. Jasóspirimder der kezinde durys sheshim qabyldady: dereý qutqarýshylarǵa qońyraý shalyp, arnaıy taýdaǵy lashyq úıge baryp, panalaǵan", - dep jazdy vedomstvodan.
TJM Respýblıkalyq jedel-qutqarý jasaǵynyń qutqarýshylary eske salady: taýǵa qaraı baǵyt alsańyzdar, oralý ýaqytyn esepteńizder, baǵyttyń kóp bóligin kúndizgi ýaqytta júrip ótińizder. Qutqarýshylardy shaqyrý úshin myna nómirlerdi este saqtańyzdar: 112 nemese 8(727)372-15-60 (Respýblıkalyq jedel-qutqarý jasaǵy).