Ózbekstandy jaryqpen qamtý júıesi 70%-ǵa qalpyna keltirildi.
Sársenbi kúngi jappaı úzilisten keıin Ózbekstandy elektrmen qamtý 70%-ǵa qalpyna keltirildi. Energetıkalyq júıedegi iri aqaýlar joıyldy jáne eldiń biryńǵaı energetıkalyq jelisine energıa jetkizildi, dep habarlady Almaty-akshamy.kz Interfax.ru agenttigine cilteme jasap.
«Júıedegi iri aqaýlar joıyldy, respýblıkanyń biryńǵaı energetıkalyq júıesine elektr energıasy jetkizildi. Elektrmen qamtý 70 paıyzǵa qalpyna keltirildi», - dep habarlady eldiń Energetıka mınıstrliginiń ókili.
Onyń aıtýynsha, Tashkentte jáne keıbir oblystarda elektr qýatyn berý tolyǵymen qalpyna keltirilip, jergilikti problemalar joıylýda.
«Eń aldymen halyq pen áleýmettik nysandar elektr qýatymen qamtamasyz etildi», - dep atap ótti Energetıka mınıstrliginiń ókili.
Onyń aıtýynsha, jylý elektr stansıalarynyń energobloktaryn kezeń-kezeńimen iske qosý jalǵasyp jatyr.
Vedomstvoda júıedegi aqaýlardyń saldarynan elimizdegi jumys istep turǵan gaz ken oryndary men munaı óńdeý zaýyttarynda tehnologıalyq prosesterdi buzý faktileri oryn alatynyna nazar aýdardy.
«Bul óz kezeginde gaz óndirýdiń tómendeýine ákeledi. Sondyqtan jylý elektr stansıalarynda gaz qysymynyń tómendeýi baıqalady, bul elektr energıasyn óndirý kólemine keri áser etedi», - dep atap ótti Energetıka mınıstrligi.
Ózbekstannyń Turǵyn úı-kommýnaldyq sharýashylyǵy mınıstrliginiń málimetinshe, Tashkent pen basqa da iri qalalardy sýmen qamtamasyz etý tolyǵymen qalpyna keltirildi.
Kólik mınıstrligi respýblıka qalalary arasynda júrdek «Afrosıob» poıyzdarynyń qozǵalysy qaıta jandanǵanyn habarlady. Tashkentte tańǵy besten elektr qýatynyń úzilýine baılanysty bir kún buryn úzilgen metronyń jumysy qalpyna keltirildi.
25 qańtar kúni tańerteń Qazaqstan, Ózbekstan jáne Qyrǵyzstanda jappaı elektr qýaty úzildi. Bul Ortalyq Azıanyń birtutas energetıkalyq júıesindegi apatqa baılanysty bolýy múmkin.
Ortalyq Azıanyń birtutas energetıkalyq júıesine Ózbekstan, Ońtústik Qazaqstan, sondaı-aq Qyrǵyzstan, Tájikstan jáne Túrkimenstan kiredi.