Ózbekstanda Hısoraq jasandy sý qoımasynyń bógeti buzyldy.
Mańaıdaǵy joldar sý astynda qaldy. Qashqadarıa oblysyna qarasty keı aýyldarda halyq alańdap, ózge jaqqa bas saýǵalap ketip jatqany týraly beınejazba áleýmettik jelide tarady, dep habarlaıdy almaty-akshamy.kz.
Bul aqparatty eldiń Tótenshe jaǵdaılar mınıstrligi rastady, dep jazady qazaqstan.tv.
Resmı málimetke qaraǵanda, sý qoımasynyń irgesine taıaý jerde júrgizilip jatqan qurylys jumystarynan, bógette syzat paıda bolyp, sý syrtqa qaraı lap qoıǵan.
Apattyń saldaryn joıý maqsatynda jaýapty ókilderden turatyn jedel shtab quryldy.
"Arnaıy tehnıkanyń kómegimen qalpyna keltirý sharalary qolǵa alyndy. Respýblıkalyq deńgeıdegi mamandardan quralǵan jumys toby shuǵyl túrde aımaqqa jetip, jaǵdaıdy zerdeledi. Tótenshe jaǵdaı oryn aldy deýge negiz joq. Qazir qoımadaǵy sýdyń mólsheri qalypty deńgeıde."Abdýlla Kýldashev, Ózbekstan Respýblıkasy tótenshe jaǵdaılar mınıstri