Keshe Almatyda «Oıjumbaq 2» anımasıalyq fılminiń kórsetilimi ótti.
Kórsetilimge elimizge tanymal tulǵalar, dýbláj akterlary men blogerler, qoǵam qaıratkerleri men BAQ ókilderi qatysty, dep habarlaıdy Almaty-akshamy.kz Elorda.info caıtyna silteme jasap.
Disney men Pixar kompanıalary «Oıjumbaq 2», Disney stýdıasy «Moana 2», «Mýfasa: Arystan patsha» anımasıalyq fılmderin óz qarajatyna qazaq jáne orys tilderine aýdardy.
«Oıjumbaq 2» anımasıalyq fılminiń basty keıipkeri Raılıdi bloger Aqerke Estaıqyzy, Qýanyshty ánshi ári aktrısa Gýlnar Tlebaldy, Muńdy –kıno, teatr jáne dýbláj aktrısasy Alma Qylmuqan, Qorqynyshty — kıno men teatr akteri, rejıser Rústem Janyamanov dybystaǵan. Ninety One boı-bendynyń solıseri – Azamat Ashmaqyn men Batyrhan Malıkov, dýbláj rejıseri Shah-Murat Ordabaev ta jobaǵa úles qosty.
Fılmderdi túrli elderge beıimdep, dýblájdaý – Disney kompanıasynda burynnan qalyptasqan úrdis. Disney jyl saıyn ár fılmniń túrli tilderdegi 30-ǵa jýyq nusqasyn daıyndaıdy. Qazaq tiliniń osyndaı iri tilder qataryna qosylýy, súıikti fılmderdegi ózimizge jaqsy tanys keıipkerlerdiń bizben birge bir tilde sóıleýi – óte mańyzdy qadam.
Aqparat jáne qoǵamdyq damý mınıstrligi men Halyqaralyq «Qazaq tili» qoǵamy Disney stýdıasynyń bul bastamasyna qoldaý bildirdi jáne ony basqa da kontent jasaýshylarǵa úlgi bolatyn óte jaqsy bastama dep tanıdy.
Fılmderdi ártúrli elderge beıimdep, dýblájdaý – Disney kompanıasyndaǵy kontent ázirleý jumysynyń ajyramas bóligi ári burynnan qalyptasqan úrdisi. Sol sebepti Disney Character Voices International ujymy ár fılmniń túrli tilderge aýdarylǵan 30-ǵa jýyq nusqasyn ázirleıdi. Osy nusqalardyń árqaısysyndaǵy keıipkerlerdiń biregeı beınesin saqtaı otyryp, ony kórermenderge «jaqyn» ári túsinikti etip aýdaratyn, dýblájdaıtyn daryndy shyǵarmashylyq keńesshiler men tehnıkalyq mamandar toby jumyldyrylady, – deıdi Ortalyq jáne Shyǵys Eýropa, TMD elderi, Grýzıa jáne Mońǵolıadaǵy Disney kompanıasynyń bas dırektory Kahaber Abashıdze.
Qazaqstandyq kórermen memlekettik tilde kórsetiletin Disney premeralaryn qashanda erekshe yqylaspen qarsy alady. Bul dástúr 2024 jyly da jalǵasyn tappaq. Úlken ekrandardan qazaq tilinde kórsetilgen «Moana», «Kólikter 3», «Kokonyń qupıasy» jáne «Arystan patsha» (2019) fılmderiniń qatary jańa týyndylarmen tolyqpaq. Qazaq tilinde erkin sóıleıtinder de, tildi endi úırenip júrgender de sapaly dýblájdalǵan fılmderdi tamashalaýdan lázzat alary cózsiz, – dep pikir bildirdi Qazaqstan aýmaǵyndaǵy Disney fılmderiniń resmı dıstrıbútory, «Meloman» kompanıasynyń bas dırektory Vadım Golenko.
Halyqaralyq «Qazaq tili» qoǵamynyń negizgi jumys baǵyty Disney kompanıasynyń ustanymen úndes keledi. «Qazaq tili» qoǵamy memlekettik tildegi kontent qoryn, atap aıtqanda, bala tilin qazaqsha shyǵarýǵa qajet quraldardan bastap, ár adamnyń qazaq tili aıasynda tulǵa ári maman bolyp qalyptasýyna kerek mazmun qoryn arttyrýǵa basymdyq beredi. Álemdik anımasıa jaýharlary, qazaq tilindegi kınoprokat baǵytyndaǵy kontentti qazaq tiline aýdarý bastamasyn barynsha qoldaımyz. Disney kompanıasynyń bul bastamasy ózge de kontent óndirýshilerge óte jaqsy úlgi dep sanaımyz, –deıdi Halyqaralyq «Qazaq tili» qoǵamynyń prezıdenti Raýan Kenjehanuly.
«Oıjumbaq 2» fılmi kınoteatrlarda 14 maýsymnan bastap kórsetiledi. Munda kórermen boı jetip qalǵan Raılımen qaıta qaýyshady. Keıipkerdiń sanasynda kútpegen jerden paıda bolǵan jańa emosıalarǵa oryn bosatý úshin Bas bóliminde kúrdeli jóndeý jumystary bastalady.