Turǵyn úı-kommýnaldyq sharýashylyqty damytý
2022 jyly Almaty ákimi Erbolat Dosaevtyń tapsyrmasymen 167 aýla aýmaǵyn jóndeý jumystary bastaldy. Bul týraly qala basshysy Áýezov aýdany turǵyndarymen ótken kezdesýde aıtty, dep habarlaıdy Almaty-akshamy.kz.
«Onyń ishinde, búgingi kúni 9 jáne 11-shaǵyn aýdandaǵy 30 aýla aýmaǵy tolyqtaı jóndeldi. Rezeńke jabyndy tóseý kezinde aýanyń temperatýralyq rejımin saqtaý qajet, sondyqtan Jetisý-1,2,3,4, №8,10-shaǵyn aýdandardaǵy qalǵan 137 aýlany osy jyldyń maýsym aıynda aıaqtaımyz», - dedi shahar basshysy E.Dosaev.
Osy jylǵy qarasha aıynyń sońyna deıin №7 jáne 12-shaǵyn aýdandardaǵy 24 aýlany da qosymsha jóndeledi.
Turǵyn úı-kommýnaldyq sharýashylyqty damytý baǵdarlamasy aıasynda 2022 jyly 40 úıdiń jalpyǵa ortaq jeri jóndelip, Áýezov aýdanyndaǵy 108 úıde 205 lıft aýystyryldy.
«Osy baǵyttaǵy jumysty jalǵastyramyz. Bıyl Áýezov aýdanyndaǵy 12 úıdiń shatyry, 8 úıdiń ınjenerlik jelileri jóndelip, 32 úıde 65 lıft aýystyrylady», - dedi E.Dosaev.