Bul týraly Almaty qalasynyń ákimi E.Dosaevtyń Áýezov aýdanynyń turǵyndarymen kezdesýinde aıtty, dep habarlaıdy Almaty-akshamy.kz.
Saıran kóli Áýezov aýdanynyń turǵyndary úshin, sondaı-aq búkil Almaty qalasy úshin erekshe oryn bolyp tabylady. 1971 jyldan bastap, ıaǵnı sý qoımasy salynǵannan beri munda rekonstrýksıalaý jáne abattandyrý boıynsha aýqymdy jumystar júrgizilmegen.
Bıyl aqpan aıynynan bastap Saıran kóliniń túbin (aýdany - 50 ga) shógindilerden mehanıkalyq tazartý jumystary bastalady. Bul jumystardy 2023 jyldyń mamyr aıynyń sońyna deıin aıaqtaý josparlanyp otyr. Bıyl naýryz aıynda jobalaý-smetalyq qujattamasy ázirlenip, saraptama shyqqannan keıin, 2023 jyldyń III toqsanynda konkýrstyq rásimder aıaqtalǵan soń, «Saıran» kóliniń aýmaǵyn rekonstrýksıalaý jáne abattandyrý bastalady.